Photos : छोट्या पडद्यावरील कलाकाराची बॉलिवूडमध्ये दमदार एन्ट्री; अजय देवगणसोबत करणार स्क्रीन शेअर

छोट्या पडद्यावरील मराठमोळा कलाकार सिद्धार्थ बोडकेने अभिनय कौशल्याने प्रेक्षकांच्या मनावर छाप पाडली. अल्पावधीतच सिद्धार्थने दमदार अभिनयाने स्वत:ची वेगळी ओळख निर्माण केली. २०१५ साली ‘टाईम बरं वाईट’ या चित्रपटातून त्याने मराठी चित्रपटसृष्टीत पाऊल ठेवलं. त्यानंतर ‘भय’, ‘नेबर्स’ या चित्रपटांतही सिद्धार्थ झळकला. झी युवावरील ‘तू अशी जवळी राहा’ या मालिकेमुळे सिद्धार्थ प्रसिद्धीझोतात आला. या मालिकेत त्याने मुख्य नायिकाची भूमिका साकारली होती. ‘नकुशी तरी हवीहवीशी’, ‘असे हे कन्यादान’, ‘अस्सं सासर सुरेख बाई’ या मालिकांत सिद्धार्थने साकारलेल्या भूमिका प्रेक्षकांच्या पसंतीस उतरल्या. आता सिद्धार्थ लवकरच हिंदी चित्रपटातही झळकणार आहे. ‘दृश्यम २’ या चित्रपटातून सिद्धार्थ बॉलिवूडमध्ये पदार्पण करणार आहे. बॉलिवूड अभिनेता अजय देवगण मुख्य भूमिकेत असलेला ‘दृश्यम’ या चित्रपटाचा हा रिमेक आहे. सिद्धार्थने त्याच्या इन्स्टाग्राम अकाऊंटवरून पोस्ट शेअर करत याबद्दल माहिती दिली आहे. सिद्धार्थच्या या पोस्टवर चाहत्यांकडून लाइक्स आणि कमेंट्सचा वर्षाव होतो आहे. त्याला मोठ्या पडद्यावर पाहण्यासाठी चाहते उत्सुक आहेत. सध्या सिद्धार्थ स्टार प्लस वाहिनीवरील ‘गुम है किसी के प्यार में’ या मालिकेत खलनायिकाची भूमिका साकारून प्रेक्षकांचे मनोरंजन करत आहे. (सर्व फोटो : सिद्धार्थ बोडके/ इन्स्टाग्राम) (हेही पाहा : झी मराठीवरील ‘या’ कार्यक्रमात गश्मीर महाजनी पहिल्यांदाच दिसणार परिक्षकाच्या भूमिकेत)