Photos : ‘सुख म्हणजे नक्की…’ फेम अभिनेत्रीचं श्रावण स्पेशल फोटोशूट; मराठमोळ्या लूकमधील फोटोंनी वेधलं लक्ष

लोकप्रिय अभिनेत्री अश्विनी कासार सध्या ‘सुख म्हणजे नक्की असते’ मालिकेतून प्रेक्षकांचे मनोरंजन करत आहे. या मालिकेत ती मानसीची भूमिका साकारत आहे. अश्विनी सोशल मीडियावरही प्रचंड सक्रिय असते. नुकतेच तिने श्रावण स्पेशल फोटोशूट केलं आहे. फोटोशूटसाठी अश्विनीने खास जांभळ्या रंगाची साडी परिधान केली होती. साजेसा मेकअप आणि केसांत गजरा माळून पारंपारिक लूक केला होता. फोटोसाठी विविध पोझही अश्विनीने दिल्या आहेत. श्रावण महिन्यातील निसर्गाप्रमाणेच अश्विनीचं सौंदर्यही खुलून दिसत आहे. तिचे हे फोटो सोशल मीडियावर चाहत्यांचं लक्ष वेधून घेत आहेत. अश्विनीने ‘सावित्रीज्योती’, ‘मोलकरीण बाई’, ‘कमला’ अशा मालिकांमधून दमदार भूमिका साकारून अभिनयाची छाप प्रेक्षकांवर पाडली. अनेकदा अश्विनी तिचे फोटो सोशल मीडियावर शेअर करत असते. (सर्व फोटो : अश्विनी कासार/ इन्स्टाग्राम) (हेही पाहा : मराठमोळ्या सई लोकूरचा बिकिनीतील बोल्ड लूक; फोटो सोशल मीडियावर व्हायरल )