Photos : कधी लोकलमध्ये तर कधी बीचवर…चित्रपटाच्या प्रमोशनसाठी अनन्या-विजयने केलेल्या हटके फोटोशूटने वेधलं लक्ष

बॉलिवूड अभिनेत्री अनन्या पांडे आणि दाक्षिणात्य अभिनेता विजय देवरकोंडा यांचा ‘लायगर’ हा चित्रपट २५ ऑगस्टाला प्रदर्शित होणार आहे. ‘लायगर’ चित्रपटाच्या ट्रेलरला प्रेक्षकांकडून तुफान प्रतिसाद मिळाला होता. त्यानंतर काही दिवसांपूर्वीच प्रदर्शित झालेलं चित्रपटातील ‘आफत’ हे गाणंही हिट ठरत आहे. या चित्रपटाचे सध्या जोरदार प्रमोशन सुरू आहे. अनन्या आणि विजय गेल्या अनेक दिवसांपासून चित्रपटाच्या प्रमोशनमध्ये व्यग्र आहेत. ‘लायगर’ चित्रपटाच्या प्रमोशनसाठी केलेलं हटके फोटोशूट सध्या सोशल मीडियावर चर्चेत आहे. अनन्या आणि विजय देवरकोंडाने नुकतंच बीचवर रोमॅंटिक फोटोशूट केलं आहे. फोटोमध्ये अनन्याने लाल रंगाचा ड्रेस परिधान केला आहे. तर विजय देवरकोंडाने प्रिंटेड शर्ट परिधान केला आहे. त्यांचे हे रोमॅंटिक फोटो सोशल मीडियावर व्हायरल होत आहेत. याआधीही चित्रपटाच्या प्रमोशनसाठी मुंबईच्या लोकलमधून अनन्या आणि विजय देवरकोंडाने प्रवास केला होता. लोकलमधील या दोघांच्या फोटोंनीही चाहत्यांचं लक्ष वेधून घेतलं होतं. अनन्या आणि विजय देवरकोंडाच्या फोटोंवर चाहत्यांकडून लाइक्स आणि कमेंट्सचा वर्षाव होत असून चित्रपट पाहण्यासाठी प्रेक्षक आतुर आहेत. (सर्व फोटो : अनन्या पांडे, विजय देवरकोंडा/ इन्स्टाग्राम) (हेही पाहा : मलायकाचं डीप नेक ड्रेसमध्ये फोटोशूट; चाळीशीतील सौंदर्य पाहून चाहतेही झाले अवाक)