Photos : ‘बिग बॉस १६’व्या पर्वासाठी सलमान खान घेणार तिप्पट पैसे?, मानधनाचा आकडा वाचून थक्क व्हाल

छोट्या पडद्यावरील अतिशय लोकप्रिय असणाऱ्या रिअलिटी शोपैकी एक म्हणजे ‘बिग बॉस’. कलाविश्वातील कलाकार ‘बिग बॉस’च्या घरात स्पर्धक म्हणून एकत्र राहतात. ‘बिग बॉस’च्या घरात होणारे स्पर्धकांचे वाद, रुसवे फुगवे, खेळ, टास्क यामुळे हा शो वादग्रस्त असला तरीही तितक्याच आवडीने घराघरात पाहिला जातो. खेळाबरोबरच नाती, एकमेकांप्रती असलेल्या भावना या सगळ्याचाच ‘बिग बॉस’च्या घरात कस लागतो. २०२२च्या ऑक्टोबर महिन्यात ‘बिग बॉस हिंदी’चे १६वे पर्व प्रेक्षकांच्या भेटीला येणार असल्याची माहिती आहे. त्यामुळे ‘बिग बॉस’च्या या नवीन पर्वाबद्दल समाज माध्यमांमध्ये चर्चा रंगू लागली आहे. ‘बिग बॉस हिंदी’ चे अनेक सीझन बॉलिवूड अभिनेता सलमान खानने होस्ट केले आहेत. शोमध्ये अनेकदा सलमान खान घरातील स्पर्धकांची शाळा घेताना दिसतो. हा शो होस्ट करण्यासाठी सलमानला कोटी रुपयांचे मानधन मिळते. ‘बिग बॉस १६’ साठी त्याने मागच्या सीझनपेक्षा तिपट्ट मानधनाची मागणी केल्याची माहिती समोर आली आहे. त्याने ‘बिग बॉस हिंदी’च्या १५व्या पर्वासाठी ३५० कोटी मानधन घेतले होते. मीडिया रिपोर्टनुसार, ‘बिग बॉस’च्या १६व्या पर्वासाठी सलमानने तब्बल एक हजार कोटी मानधन मागितले आहे. याबद्दल ‘बिग बॉस हिंदी’च्या टीमकडून कोणतीही अधिकृत माहिती अद्याप देण्यात आलेली नाही. (सर्व फोटो : इंडियन एक्सप्रेस) (हेही पाहा : ‘बिग बॉस मराठी’च्या एका भागासाठी महेश मांजरेकर किती मानधन घेतात? जाणून घ्या )