Photo : ड्रग्ज प्रकरणात क्लीन चीट मिळाल्यानंतर आर्यन खानने पहिल्यांदाच शेअर केली पोस्ट, नेटकरी म्हणाले “तू तर शाहरुख…”

बॉलिवूडचा किंग शाहरुख खानचा मुलगा आर्यन खान सध्या सोशल मीडियावर चर्चेत आहे. मुंबई क्रुझ ड्रग्ज केस प्रकरणात आर्यनला एनसीबीकडून अटक करण्यात आली होती. जवळपास सहा महिन्यांनंतर या प्रकरणात आर्यनला एनसीबीकडून क्लीन चीट देण्यात आली. ड्रग्ज प्रकरणात क्लीन चीट मिळाल्यानंतर आर्यन खानने पहिल्यांदाच त्याच्या सोशल मीडिया अकाऊंटवरून तब्बल एक वर्षांनंतर पोस्ट शेअर केली आहे. आर्यनने बहीण सुहाना आणि छोटा भाऊ अबरामबरोबरचा फोटो शेअर केला आहे. या फोटोला त्याने ‘हॅट-ट्रिक’ असं कॅप्शन दिलं आहे. आर्यन खान, सुहाना खान आणि छोटा अबराम. त्याच्या या पोस्टवर शाहरुख खानने “हा फोटो माझ्याकडे कसा नाही? मला हा फोटो दे”, अशी कमेंट केली आहे. चाहत्यांनीही आर्यनच्या या पोस्टवर लाइक्स आणि मजेशीर कमेंट केल्या आहेत. एका नेटकऱ्याने कमेंट करत “आर्यन तुझ्याकडे पाहून शाहरुखच्या तरुणपणाची आठवण होते”, असं म्हटलं आहे. तर दुसऱ्या एकाने “तू शाहरुखची कॉपी आहेस”, अशी कमेंट केली आहे. आर्यन सोशल मीडियावर फारसा सक्रिय नसला तरी इन्स्टाग्रामवर त्याचे २ मिलियन फॉलोवर्स आहेत. याआधी त्याने १५ ऑगस्ट २०२१ रोजी इन्स्टाग्रामवर शेवटची पोस्ट शेअर केली होती. मुंबई क्रुझ ड्रग्ज केस प्रकरणात अडकल्यामुळे आर्यन सोशल मीडियापासून लांब होता. आता तो पुन्हा सक्रिय झाल्याने शाहरुखचे चाहतेही आनंदी आहेत. (सर्व फोटो : आर्यन खान/ इन्स्टाग्राम) (हेही पाहा : सिद्धार्थ मल्होत्राचा फोटो पाहताच लाजली पूजा सावंत, म्हणाली “मला लग्न…”)