फाइव्ह स्टार हॉटेल नव्हे तर ‘या’ खास ठिकाणी होणार राहुल-अथिया विवाहबद्ध

अभिनेता सुनिल शेट्टीची लेक अभिनेत्री अथिया शेट्टी आणि भारतीय क्रिकेटपटू के एल राहुल एकमेकांना डेट करत असल्याचं जाहीर आहे. अथिया-राहुल लवकरच विवाहबंधनात अडकणार असल्याच्याही सध्या चर्चा रंगत आहेत. दोघांनी लग्नाच्या तयारीला सुरुवात केली असून दाक्षिणात्य पद्धतीने हा विवाहसोहळा पार पडणार असल्याचं बोललं जातंय. डिसेंबरमध्ये अथिया-राहुल लग्न करणार आहेत. ते कुठे लग्न करणार याच्या सध्या जोरदार चर्चा रंगल्या आहेत. अनेक मोठ्या मोठ्या फाइव्ह स्टार हॉटेल्सची नावं या यात घेतली जात आहेत. परंतु आता अशी बातमी समोर आली आहे की, राहुल-अथिया कोणत्याही फाइव्ह स्टार हॉटेलमध्ये नाही तर सुनील शेट्टी यांच्या खंडाळ्याच्या बंगल्यात ही दोघे विवाहबद्ध होणार आहेत. सुनील शेट्टी यांनी १७ वर्षांपूर्वी त्यांचा खंडाळ्याचा आलीशान बंगला बांधला होता. ३ वर्षांपासून अधिक काळ अथिया-के एल राहुल एकमेकांना डेट करत आहेत. शिवाय राहुलच्या कुटुंबियांनी काही दिवसांपूर्वीच अथियाच्या आई-वडिलांची भेट घेतली असल्याचीही चर्चा आहे. अथिया आणि केएल राहुल नेहमीच एकमेकांबरोबरचे फोटो सोशल मीडिया अकाऊंटद्वारे शेअर करताना दिसतात. आता या सेलिब्रिटी कपलच्या लग्नाची सारेच जण उत्सुकतेने वाट पाहत आहेत.