सैफचं लोकसंख्या वाढीत खूप योगदान! गरोदरपणाच्या चर्चांवर करीना कपूरने केले होते मोठे वक्तव्य

बॉलिवूड अभिनेत्री करीना कपूरचा आज वाढदिवस. तिने‘रेफ्युजी’ या चित्रपटातून कलाविश्वात पदार्पण केलं. करीनाने तिच्या कारकिर्दीत अनेक आव्हानात्मक भूमिकाही स्विकारल्या आहेत. ती तिच्या चित्रपटासाठी फार मेहनत घेते. करीना ही नेहमी फार बिनधास्तपणे तिचे मत व्यक्त करताना दिसते. ती सैफ अली खानचे आणि तिच्या मुलांबद्दल नेहमी काही ना काही तरी पोस्ट शेअर करत असते. बॉलिवूडची बेबो करीना कपूर खान आणि पती सैफ अली खान यांची जोडी ही लोकप्रिय जोड्यांपैकी एक आहे. विशेष म्हणजे तैमुर आणि जेह याच्यासोबतच ती सारा आणि इब्राहिमची विशेष काळजी घेताना दिसते. करीना आणि सैफ हा २०१२ सालामध्ये लग्नबंधनात अडकले होते. करीनाने २०१६ मध्ये तैमूरला जन्म दिला होता. तर २०२१ मध्ये तिने दुसऱ्या मुलाला जन्म दिला. त्याचे नाव जहांगीर असे आहे. तर सैफ अली खानला त्याची पहिली पत्नी अमृता सिंहपासून सारा आणि इब्राहिम अशी दोन मुले आहेत. सारा अली खान आणि जहांगीर यांच्यात २५ वर्षांचा फरक आहे. सैफ अली खानला पहिल्या पत्नीपासून दोन आणि दुसऱ्या पत्नीपासून दोन अशी एकूण चार मुलं आहेत. काही दिवसांपूर्वी करीना कपूर ही पुन्हा गरोदर असल्याच्या चर्चांना उधाण आले होते. ती लंडनमध्ये आपल्या कुटुंबासोबत सुट्ट्यांचा आनंद घेत असताना तिने काही फोटो सोशल मीडियावर शेअर केले होते. या फोटोमध्ये करीनाचा बेबी बंप दिसत असल्याने ती पुन्हा गरोदर असल्याचे बोललं जात आहे. मात्र नुकतंच करीनाने यावर स्पष्टीकरण दिले आहे. करीना कपूरने इन्स्टाग्राम स्टोरीवर एक फोटो शेअर केला होता. या फोटोत तिने ती पुन्हा गरोदर नसल्याचे स्पष्ट केले होते. "मी गरोदर नाही. हा सर्व पास्ता आणि वाईनचा परिणाम आहे" असे करीनाने म्हटले. त्यापुढे ती म्हणाली, सैफच्या मते त्याने आधीच देशाची लोकसंख्या वाढवण्यासाठी खूप योगदान दिले आहे. करीनाच्या या स्पष्टीकरणादरम्यान सैफबद्दल केलेल्या वक्तव्यामुळे ती चर्चेत आली होती.