समीर चौगुले की पॅडी कांबळे आवडता सहकलाकार कोण? विशाखा सुभेदार म्हणाली….

महाराष्ट्राची हास्यजत्रा या कार्यक्रमातून घराघरात पोहोचलेली अभिनेत्री म्हणून अभिनेत्री विशाखा सुभेदारला ओळखले जाते. अनेक मराठी मालिका आणि चित्रपटांमध्ये विशाखा सुभेदारने आपला ठसा उमटवला आहे. एक उत्तम कॉमेडियन म्हणून तिला ओळखले जाते. विनोदी भूमिकांसाठी ओळखली जाणाऱ्या विशाखा सुभेदार यांनी ‘फु बाई फू’ आणि ‘कॉमेडीची बुलेट ट्रेन’ या कॉमेडी शोमधून स्वतःची वेगळी ओळख निर्माण केली आहे. विशाखा नुकतंच झी मराठीवरील लोकप्रिय असलेल्या बस बाई बस या कार्यक्रमात सहभागी झाली होती. या कार्यक्रमात तिने तिचा सुरुवातीचा काळ, नाटक, निर्माती म्हणून सुरु असलेल्या प्रवासाबद्दल भाष्य केले. तसेच यावेळी तिने एका कार्यक्रमादरम्यान माझ्या वजनावरुन माझी खिल्ली उडवण्यात आली होती, याबद्दल खुलासाही केला. या दरम्यान सूत्रसंचालक सुबोध भावेने विशाखा सुभेदारसह रॅपिड फायर राऊंड खेळला. यावेळी तिला यातील कोण आवडतं याबद्दल विविध प्रश्न विचारण्यात आले. आवडतं नाटकं एक डाव भटाचा की कुर्रर्रर्र असा प्रश्न तिला विचारण्यात आला. त्यावर तिने एक डाव भटाचा असे सांगितले. यानंतर तिला अभिनेत्री नम्रता आवटे की निर्मिती सावंत यातील कोण आवडतं? असे विचारले. त्यावर तिने निर्मिती ताई असे उत्तर दिले. समीर चौगुले की पॅडी कांबळे यातील आवडता सहकलाकार कोणता? असा प्रश्न विशाखाला विचारण्यात आला. त्यावर तिने पॅडी कांबळे असे उत्तर दिले. हेही पाहा : “माझ्याशी वैर घ्यायचं नसतं वाघोबा…” सुमीत राघवन आणि अमेय वाघमध्ये वादाची ठिणगी; जाणून घ्या प्रकरण काय?