Photos : भाग्यश्री मोटेच्या साखरपुडा सोहळ्यात हृतिक रोशनला पाहून चाहत्यांना पडला प्रश्न, जाणून घ्या कारण

छोट्या पडद्यावरील लोकप्रिय अभिनेत्री भाग्यश्री मोटे आणि विजय पालांडे यांचा साखरपुडा सोहळा ९ सप्टेंबर रोजी पार पडला. भाग्यश्रीने तिच्या सोशल मीडिया अकाऊंटवरून फोटो शेअर करत ही बातमी तिच्या चाहत्यांना दिली. साखरपुड्याच्या रिसेप्शन सोहळ्यासाठी भाग्यश्रीने गुलाबी रंगाचा भरजरी लेहेंगा परिधान केला होता. तर विजय सूटमध्ये राजबिंडा दिसत होता. भाग्यश्री-विजयच्या साखरपुडा सोहळ्यात बॉलिवूड अभिनेता हृतिक रोशनही त्याची गर्लफ्रेण्ड सबा आझादसह उपस्थित होता. भाग्यश्रीच्या साखरपुडा सोहळ्यात हृतिकला पाहून चाहतेही अवाक झाले. भाग्यश्रीचा होणारा नवरा विजय पालांडे हा एक मेकअप आर्टिस्ट आहे. हृतिक रोशनचेही अनेक मेकअप लूक त्याने डिजाइन केले आहेत. फोटोशूट, चित्रपट आणि जाहिरांतीसाठीही त्याने हृतिकचा मेकअप केला आहे. म्हणूनच हृतिकने भाग्यश्री-विजयच्या साखरपुडा सोहळ्याला हजेरी लावली होती. भाग्यश्रीने तिच्या सोशल मीडिया अकाऊंटवरून साखरपुड्यातील रिसेप्शन सोहळ्याचे फोटो शेअर केले आहेत. या फोटोंवर चाहत्यांनी लाइक्सचा पाऊस पाडला आहे. कमेंट करत चाहत्यांनी भाग्यश्री-विजयला शुभेच्छाही दिल्या आहेत. भाग्यश्रीने मराठीबरोबरच अनेक हिंदी मालिकांमध्येही काम केलं आहे. ‘देवयानी’ मालिकेत तिने साकारलेल्या भूमिकेमुळे तिला लोकप्रियता मिळाली. (सर्व फोटो : भाग्यश्री मोटे/ इन्स्टाग्राम) (हेही पाहा >> Photos : …अन् अमिताभ बच्चन यांच्या नावामुळे इराणमध्ये सुधा मूर्तींना मिळाली होती मोफत सेवा; स्वत:च सांगितला किस्सा )