Photos: डेटिंगच्या अफवा, लग्न अन् ६ वर्षांनी झाले पालक; बिपाशा-करणची लव्हस्टोरी आहे खूपच इंटरेस्टिंग

बिपाशा बासूने नुकतंच तिच्या पहिल्या बाळाला जन्म दिला आहे. बिपाशा आणि करण सिंह ग्रोवर यांना कन्यारत्नाचा लाभ झाला आहे. अभिनेत्री बिपाशा बासू आणि अभिनेता करण सिंह ग्रोवर हे दोघेही सातत्याने चर्चेत होते. अलिकडेच बिपाशाच्या डोहाळे जेवणाचा कार्यक्रम पार पडला होता त्याचे फोटोदेखील सोशल मीडियावर व्हायरल झाले होते. बिपाशा-करणचं एकमेकांवर प्रचंड प्रेम आहे. हे दोघांच्या फोटो आणि पोस्टवरून लक्षात येतंच. बिपाशा आणि करणची प्रेमकहाणी तितकीच गंमतीशीर आहे. २०१५ सालामध्ये आलेल्या ‘अलोन’ या सिनेमावेळी बिपाशा आणि करणची भेट झाली होती. चित्रपटाच्या प्रमोशनसाठी हे दोघे एकमेकांना डेट करत आहेत अशी अफवा तेव्हा पसरवण्यात आली. अफवेचेनंतर सत्यात रूपांतर झाले आणि हे दोघे खरोखरचे एकमेकांना डेट करू लागले. बिपाशा-करणने २०१६मध्ये थाटामाटात लग्न केलं. लग्नानंतर ६ वर्षांनंतर ते आता आई बाबा बनले आहेत. आता त्यांच्या आयुष्यात एक नवीन पाहुणा आल्याने दोघे अत्यंत खुश आहेत. लग्नापूर्वीच करण त्याच्या खासगी आयुष्यामुळे बराच चर्चेत होता. हे त्याचं तिसरं लग्न आहे. सध्या हे दोघं त्यांच्या वैवाहिक आयुष्यामध्ये रमले आहेत.फोटो सौजन्य : इन्स्टाग्राम