Photos : कोणी केली उर्फी जावेदशी तुलना तर कोणी म्हटलं आकाश कंदील, सई ताम्हणकर बोल्ड लूकमुळे ट्रोल

मराठीमधील सुप्रसिद्ध अभिनेत्रींच्या यादीमध्ये सई ताम्हणकरचं नाव टॉपला आहे. सईने मराठी चित्रपटांमध्ये उत्तमोत्तम भूमिका साकारत प्रेक्षकांना आपलंस केलं. ती इथवरच थांबली नाही. बॉलिवूड चित्रपटांमध्ये काम करत तिने प्रेक्षकांची मनं जिंकली. ‘आयफा’, ‘फिल्मफेअर’ पुरस्काराने सईला ‘मिमी’ या चित्रपटासाठी सन्मानित करण्यात आलं. सई आता अनेक नावाजलेल्या पुरस्कार सोहळ्याच्या रेड कार्पेटवर दिसते. आताही तिने एले ब्यूटी पुरस्कार (Elle Beauty Awards) सोहळ्याला हजेरी लावली होती. या पुरस्कार सोहळ्याला बॉलिवूडचे दिग्गज कलाकार मंडळीही उपस्थित होते. पण सई रेड कार्पेटवर अवतरली आणि उपस्थितांचं तिने लक्ष वेधून घेतलं. यावेळी सईने परिधान केलेला ड्रेस विशेष लक्षवेधी होता. या पुरस्कार सोहळ्याचे काही फोटो तिने इन्स्टाग्राम अकाऊंटद्वारे शेअर केले आहेत. तिचा हा लूक पाहून नेटकऱ्यांनी सईला ट्रोल केलं आहे. कोणी सईची तुलना उर्फी जावेदशी केली आहे. तर कोणी तिला आकाश कंदील म्हटलं आहे. चाहत्यांनाही तिचा हा लूक आवडला नाही. (सर्व फोटो - इन्स्टाग्राम) (हेही पाहा - बॉयफ्रेंडशीच केलं लग्न, पण त्याआधीच दुसऱ्या व्यक्तीशी…; लग्नाच्या बऱ्याच वर्षांनंतर शिल्पा तुळसकरचा खासगी आयुष्याबाबत खुलासा)