Photos: ‘तू तेव्हा तशी’ फेम अभिनेत्याची लगीनघाई, साखरपुड्याचे फोटो व्हायरल

छोट्या पडद्यावरील लोकप्रिय अभिनेता स्वानंद केतकर ‘तू तेव्हा तशी’ मालिकेतून घराघरात पोहोचला. या मालिकेत तो नील हे पात्र साकारत आहे. स्वानंदने गुपचूप साखरपुडा उरकला आहे. ४ जानेवारीला त्याने अक्षता आपटे हिच्याशी साखरपुडा केला. सोशल मीडियावर फोटो शेअर करत त्याने ही गोड बातमी चाहत्यांना दिली आहे. त्याचा फोटोवर कमेंट करत चाहते व सेलिब्रिटींनी शुभेच्छांचा वर्षाव केला आहे. स्वानंद व अक्षता गेल्या अनेक दिवसांपासून रिलेशनशिपमध्ये होते. एकमेकांबरोबर फोटो ते अनेकदा शेअर करायचे. आता स्वानंद व अक्षताने त्यांच्या नव्या इनिंगला सुरुवात केली आहे. त्यांच्या साखरपुड्याचे फोटो सोशल मीडियावर व्हायरल होत आहेत. (सर्व फोटो: स्वानंद केतकर/ इन्स्टाग्राम) (हेही पाहा>>“चांगल्या स्पर्धकांना बाहेर काढलं आणि…”, आरोह वेलणकरचं ‘बिग बॉस मराठी’बाबत मोठं वक्तव्य )