Photo: वनिताला लागली सुमितच्या नावाची हळद! पाहा हळदी समारंभाची खास झलक

'महाराष्ट्राची हास्यजत्रा' फेम वनिता खरातच्या लग्नाची सध्या जोरदार चर्चा आहे. वनिता खरात बॉयफ्रेंड सुमित लोंढेसह मोजक्या पाहुण्यांच्या उपस्थितीत सप्तपदी घेणार आहे. या दोघांच्या लग्नाआधीच्या कार्यक्रमाला सुरुवात झाली असून हळदीचा कार्यक्रम नुकताच पार पडला आहे. महाराष्ट्राची हास्यजत्रेतील कलाकारांनी वनिता व सुमितच्या हळदीच्या कार्यक्रमांना हजेरी लावली. या हळदी समारंभाचे फोटो नम्रता संभेरावने तिच्या इन्स्टाग्रामवर शेअर केले आहेत. हळदी समारंभासाठी वनिता व सुमितने खास पांढऱ्या रंगाचा फुलांची डिझाइन असलेला पेहराव केला होता. वनिता खरात आणि सुमित लोंढे यांच्या हळदी समारंभातील फोटो सोशल मीडियावर व्हायरल होत आहेत. वनिता वरळी येथील कोळीवाड्यात राहते. याच ठिकाणी तिचा हळदी समारंभ मित्रपरिवाराच्या उपस्थितीत पार पडला. या सर्व फोटोंमध्ये वनिता आणि सुमित मित्रांबरोबर खूप धम्माल मस्ती करताना दिसत आहेत. (फोटो सौजन्य- नम्रता संभेराव इन्स्टाग्राम)