कुणी २०० तर कुणी ४०० कोटींचा जमवला गल्ला; ‘द केरला स्टोरी’ प्रमाणेच ‘या’ लो बजेट बॉलिवूड चित्रपटांनीही बॉक्स ऑफिसवर केली तुफान कमाई

सुदीप्तो सेनच्या 'द केरला स्टोरी' या चित्रपटाने बॉक्स ऑफिसवर कमाल केली आहे. अनेक राज्यांमध्ये या चित्रपटावर बंदी घालण्यात आली आहे. वादाच्या भोवऱ्यात अडकूनही या चित्रपटाने चांगली कमाई केली आहे या सिनेमाने १२ दिवसांत १५० कोटींहून अधिक रुपयांचा गल्ला जमवला आहे. 'द केरला स्टोरी'च्या आधीही असे अनेक कमी बजेटचे चित्रपट आले आहेत ज्यांनी १०० कोटींहून अधिक कमाई केली आहे. आलिया भट्टच्या 'राजी' चित्रपट बॉक्स ऑफिसवर सुपरहिट ठरला होता. केवळ ३० कोटींमध्ये बनलेल्या या चित्रपटाने बॉक्स ऑफिसवर २०७ कोटींची कमाई केली होती. 'कांतारा' चित्रपटाने बॉक्स ऑफिसवर चांगलीच कमाई केली होती. १६ कोटी रुपयांत बनलेल्या या चित्रपटाने तब्बल ४०० कोटी रुपयांपेक्षा अधिकचा गल्ला जमवला होता. विवेक अग्निहोत्री यांचा 'द कश्मीर फाइल्स' हा चित्रपट वादाच्या भोवऱ्यात अडकला होता ५० कोटींमध्ये बनलेल्या या चित्रपटाने ३३० कोटींपेक्षा अधिक रुपयांची कमाई केली होती. अभिनेता आयुष्यमान खुरानाचा 'बधाई हो' चित्रपट प्रेक्षकांच्या पसंतीस उतरला होता. ३० कोटींमध्ये बनलेल्या या चित्रपटाने बॉक्स ऑफिसवर १३० कोटींपेक्षाही अधिक कमाई केली होती. विक्की कौशलचा 'उरी' या चित्रपटाला प्रेक्षकांनी अक्षरश: डोक्यावर घेतलं होतं. केवळ २५ कोटींमध्ये तयार झालेल्या या चित्रपटाने २४४ कोटी रुपयांचा गल्ला जमवला होता. चित्रपट '७७७ चार्ली' या चित्रपट माणूस आणि श्वानाच्या नात्यावर आधारीत होता. २५ कोटींमध्ये बनलेल्या या चित्रपटाने १५० कोटींपेक्षा अधिक कमाई केली होती. विद्या बालनचा 'कहानी' चित्रपटही बॉक्स ऑफिसवर सुपरहिट ठरला होता. केवळ ८ कोटी बजेट असलेल्या या चित्रपटाने १०० कोटींपेक्षा अधिक गल्ला जमवला होता. राजकुमार राव आणि श्रद्धा कपूर यांच्या 'स्त्री' चित्रपटाने प्रेक्षकांना चांगलेच खिळवून ठेवले होते. २० कोटी बजेट असलेल्या या चित्रपटाने बॉक्स ऑफिसवर १८० कोटी रुपयांची कमाई केली होती.