चुलीवरचं जेवण, १७० सदस्यांच्या मोठ्या कुटुंबाची भेट…राजस्थानमध्ये विकी-साराचा देसी अंदाज

अभिनेता विकी कौशल आणि अभिनेत्री सारा अली खान सध्या त्यांच्या आगामी 'जरा हटके जरा बचके' चित्रपटाचे प्रमोशन करताना दिसत आहेत. चित्रपटाच्या प्रमोशनसाठी विकी-साराने थेट राजस्थानला पोहोचले आहेत. सारा-विकीने राजस्थानमधील सर्वात मोठ्या १७० सदस्यांच्या कुटुंबाला भेट दिली. दोघांनीही या कुटुंबियांनी बनवलेल्या जेवणाचा आस्वाद घेतला. लक्ष्मण उतेकर दिग्दर्शित या चित्रपटाची कथा इंदूरमधील एका मध्यमवर्गीय जोडप्यावर आधारित आहे. 'जरा हटके जरा बचके' चित्रपटाच्या निमित्ताने विकी आणि सारा ही नवी ऑनस्क्रीन जोडी प्रेक्षकांच्या भेटीला येणार आहे. या चित्रपटातील “फिर और क्या चाहिए…” हे गाणे सध्या सोशल मीडियावर मोठ्या प्रमाणात व्हायरल होत आहे. विकी कौशल आणि सारा अली खानचे राजस्थानमधील गावकऱ्यांनी मोठ्या प्रेमाने स्वागत केले. राजस्थानमधील बरेच फोटो विकी कौशलने त्याच्या इन्स्टाग्रामवर शेअर केले आहे. (फोटो सौजन्य - इन्स्टाग्राम )