Adipurush : ‘आदिपुरुष’चा जगभरात डंका, पहिल्याच दिवशी पार केला १०० कोटींचा गल्ला

ओम राऊत दिग्दर्शित 'आदिपुरुष' चित्रपटाची सर्वत्र चर्चा आहे. ट्रेलर प्रदर्शित झाल्यापासूनच या चित्रपटाबाबत प्रेक्षकांमध्ये उत्सुकता होती. १६ जूनला प्रदर्शित झालेल्या या चित्रपटाचे पहिल्याच दिवशी शो हाऊसफूल झालेले पाहायला मिळाले. परंतु, चित्रपट प्रदर्शित झाल्यानंतर वादाच्या भोवऱ्यात अडकला आहे. रामायणावर आधारित असलेल्या 'आदिपुरुष'वर प्रेक्षक टीका करत आहेत. असं असलं तरी चित्रपटाने पहिल्याच दिवशी बॉक्स ऑफिसवर रेकॉर्डब्रेक कमाई केली आहे. 'आदिपुरुष' चित्रपटाच्या पहिल्या दिवसाचं बॉक्स ऑफिस कलेक्शन समोर आलं आहे. या चित्रपटाने देशांतर्गत तब्बल ९५-९८ कोटींची गल्ला जमवला आहे. भारताबाहेरही हा चित्रपट प्रदर्शित करण्यात आला आहे. 'आदिपुरुष'ने पहिल्या दिवशी वर्ल्ड वाइड १४० कोटींची कमाई केली आहे. 'आदिपुरुष' चित्रपटात दाक्षिणात्य अभिनेता प्रभास मुख्य भूमिकेत आहे. या चित्रपटात त्याने श्रीराम म्हणजेच राघव ही भूमिका साकारली आहे. बॉलिवूड अभिनेत्री क्रिती सेनॉन 'आदिपुरुष' चित्रपटात सीता मातेच्या भूमिकेत आहे. तर सैफ अली खानने रावणाची भूमिका साकारली आहे. या चित्रपटात मराठमोळा अभिनेता देवदत्त नागे हनुमानाच्या भूमिकेत आहे. तर अभिनेत्री तेजस्विनी पंडीतने शृर्पणखा ही भूमिका साकारली आहे. (सर्व फोटो : इन्स्टाग्राम) (हेही पाहा>> ‘आदिपुरुष’बद्दल प्रेक्षकांच्या मनात एवढा संताप का? चित्रपटातील ‘या’ सात गोष्टी ठरल्या कारणीभूत)