२५ हजार ते २०० कोटी रुपये एका चित्रपटासाठी; शाहरूख खानचा रुपेरी पडद्यावरील प्रवास

शाहरुख खानला बॉलिवूडचा बादशाह म्हणले जाते. बॉलिवूडमधल्या महागड्या अभिनेत्यांमध्ये शाहरुखचे नाव सर्वात पुढे आहे. चित्रपटांव्यतरिक्त शाहरुखच्या एकूण संपत्तीचीही अनेकदा चर्चा होते. शाहरुख खानची सध्याची संपत्ती ही साधारणपणे ६ हजार कोटी रुपये आहे. स्टॉक ग्रो ने शाहरुखच्या संपत्तीची आकडेवारी जाहीर केली आहे. सुरुवातीला शाहरुखची एक चित्रपटाची फी केवळ २५ हजार रुपये होती. आता तो एका चित्रपटासाठी १५० ते २०० कोटी रुपये मानधन घेतो मीडिया रीपोर्टनुसार काही चित्रपटांच्या बॉक्स ऑफिस कलेक्शनमधून ५० ते ८०% हिस्साही शाहरुख मानधन म्हणून घेतो. अभिनयाव्यतरिक्त शाहरुख मोठ मोठ्या लग्न समारंभारत स्टेज शो ही करतो एका लग्नात डान्स परफॉर्मन्ससाठी ४ ते ८ कोटी इतकं मानधन घेतो. शाहरुखने स्वतःची ‘रेड चिलीज एंटरटेनमेंट ही कंपनी सुरू केली. कंपनीने बरेच चित्रपट आणि वेब सीरिजची निर्मिती केली आहे. ‘इकॉनॉमिक टाइम्स’च्या वृत्तानुसार या कंपनीचे वार्षिक उत्पन्न ५०० कोटींहून अधिक आहे. याबरोबरच शाहरुख पेप्सी, व्हर्लपूल, हुंदई, बिग बास्केट, बायजूस अशा वेगवेगळ्या ब्रँडचा अम्बॅसडर आहे. मीडिया रीपोर्टनुसार एखाद्या जाहिरातीच्या शूटसाठी शाहरुख दिवसाचे ३.५ ते ४ कोटी इतके मानधन घेतो. फोटो (इंस्टाग्राम शाहरुख खान)