आईच्या जन्मदिनानिमित्त माधुरी दीक्षितने जागवल्या जुन्या आठवणी, पाहा माय-लेकींचे Unseen Photos

माधुरी दीक्षित ही बॉलीवूडमधील आघाडीची अभिनेत्री आहे. आतापर्यंत तिने अनेक सुपरहिट चित्रपटांमध्ये काम केलं आहे. या तिच्या संपूर्ण करिअरमध्ये तिला तिच्या आईची भक्कम साथ लाभली. माधुरी दीक्षितची आई स्नेहलता दीक्षित यांचं काही दिवसांपूर्वीच वृद्धापकाळाने निधन झालं. तर आज माधुरी दीक्षितच्या आईचा जन्मदिन असतो. त्यानिमित्त माधुरीने आईबरोबरच्या काही जुन्या आठवणी फोटोंमधून जागवल्या. आईच्या जन्मदिनानिमित्त माधुरीने आज सोशल मीडियावर एक खास पोस्ट शेअर केली. या पोस्टमधून तिने आईबद्दलचं प्रेम व्यक्त केलं. ही पोस्ट शेअर करताना तिने तिचे आणि तिच्या आईचे कधीही न पाहिलेले अनेक फोटो शेअर केले. एका फोटोमध्ये माधुरी दीक्षितची आई तिच्याबरोबर रेकॉर्डिंग स्टुडिओमध्ये असल्याचं दिसत आहे, तर इतर फोटोंमध्ये त्या दोघी एकत्र सण आणि वाढदिवस साजरे करत असल्याचा दिसत आहे. माधुरी दीक्षितची ही पोस्ट आता सोशल मीडियावर चांगलीच व्हायरल होत असून तिचे चाहते त्यावर कमेंट करत तिची ही पोस्ट आवडल्याचं सांगत आहेत