Photos: स्वानंदी टिकेकरच्या साखरपुड्याच्या मेहंदीची डिझाइन पाहिलात का? सोशल मीडियावर फोटो व्हायरल

एक उत्तम गायिका, कुशल सूत्रसंचालिका, गुणी अभिनेत्री स्वानंदी टिकेकर लवकरच विवाहबंधनात अडकणार आहे. स्वानंदीने होणाऱ्या पतीबरोबरचा फोटो काही दिवसांपूर्वी सोशल मीडियावर शेअर केला होता. त्या फोटोला स्वानंदीने 'This is US #AmchaTharla' असे कॅप्शन दिल होते. तेव्हापासून स्वानंदीच्या लग्नाची चर्चा चाहत्यांमध्ये रंगली आहे. स्वानंदीच्या होणाऱ्या पतीचं नाव आशिष कुलकर्णी असे आहे. आशिष हा एक उत्तम गायक आणि गीतकार आहे. आता स्वानंदीने सोशल मीडियावर साखरपुड्याबद्दलची घोषणा केली आहे. नुकताच स्वानंदीचा मेहंदी सोहळा पार पडला. स्वानंदीच्या हातावर काढलेल्या मेहंदीची डिझाइनही खास आहे. स्वानंदी हातावर दोघांच्याही नावाचे इंग्रजीतील पहिले अक्षर लिहून सुंदर डिझाइन काढण्यात आली आहे. स्वानंदीच्या या मेहंदीने सगळ्यांचं लक्ष वेधून घेतलं आहे. #SwanandiAshish असा हॅशटॅगही तयार करण्यात आला आहे. स्वानंदी ही उत्तम अभिनेत्री असण्याबरोबरच गायिका देखील आहे. (सर्व फोटो सौजन्य : स्वानंदी टिकेकर आणि आशिष कुलकर्णी / इन्स्टाग्राम) (हेही पाहा : श्रिया पिळगावकरची आई-वडिलांबरोबर मालदीव ट्रिप; गुलाबी बिकिनीतील फोटोंची चर्चा)