काय करते अभिनेत्री किशोरी गोडबोलेंची मुलगी? सोशल मीडियावर फोटो चर्चेत

'माझा नवा तुझी बायको', 'फुल ३ धमाल', 'खबरदार', 'वन रुम किचन' यांसारख्या चित्रपटात झळकलेल्या अभिनेत्री किशोरी गोडबोले सोशल मीडियावर जास्त सक्रिय नसतात. पण त्यांची मुलगी सोशल मीडियावरील एक लोकप्रिय चेहरा आहे. किशोरी यांच्या पावलावर पाऊत ठेवत त्यांच्या मुलीनं सुद्धा अभिनय क्षेत्रात पदार्पण केलं आहे. २०२१ साली किशोरी यांची मुलगी ही पहिल्यांदा एका जाहिरातीमध्ये झळकली होती. किशोरी गोडबोले यांची मुलगी उत्तम अभिनयाबरोबर, उत्तम गाते आणि नृत्यही करते. अशी ही सोशल मीडियावरील लोकप्रिय चेहरा असलेली आणि किशोरी गोडबोलेंची मुलगी म्हणजे सई गोडबोले. सई सुंदर दिसतेच, पण तिनं तिच्या आवाजानं अनेकांची मनं जिंकली आहेत. तिच्या प्रत्येक गाण्याचे व्हिडीओ व्हायरल होत असतात. तिनं तिच्या आई म्हणजे किशोरी गोडबोलेबरोबर नाचतानाचे काही व्हिडीओ सुद्धा शेअर आहेत. सई ही रुईया महाविद्यालयाची विद्यार्थिनी आहे. काही दिवसांपूर्वीच सई कॅडबरी सेलिब्रेशनच्या जाहिरातीमध्ये झळकली होती. तसेच सध्या सईचा 'देह देवाचे मंदिर' हे गाणं गातानाचा व्हिडीओ चर्चेत आहे. किशोरी गोडबोलेंच्या कामाबद्दल बोलायचं झालं तर, त्या अलीकडेच बंद झालेल्या 'मेरे साई' या मालिकेत बायजाबाई या भूमिकेत झळकल्या होत्या.