निळी साडी, टिकली, झुमके अन्…; दिग्गज अभिनेत्रीच्या सौंदर्याने प्रेरित कंगना रणौतचा लूक पाहिलात का?

बाॅलीवूडची क्वीन कंगना रणौत तिच्या अनोख्या भूमिकांमुळे सतत चर्चेत असते. सोशल मीडियावर प्रचंड सक्रिय असणारी कंगना अनेक गोष्टींवर आपले मत मांडताना दिसते. कंगनाने तिच्या इन्स्टाग्राम अकाउंटवर नुकतीच एक पोस्ट शेअर केली आहे. अभिनेत्रीने निळ्या रंगाची जरीची सुंदर साडी परिधान केली आहे. निळ्या रंगाच्या या साडीवर कंगनाने लाल रंगाची मोठी टिकली लावून व झुमके घालून हा लूक पूर्ण केला आहे. कंगनाने हा लूक रेट्रो पद्धतीचा ठेवला आहे. कंगनाच्या भुवया जुन्या अभिनेत्रींसारख्या स्टाईल केल्या आहेत तर मिनिमल मेकअप आणि फिकट गुलाबी रंगाच्या लिपस्टिकचा वापर तिने केला आहे. कंगनाचा हा लूक ज्येष्ठ अभिनेत्री साधना यांच्या लूकवरून प्रेरित आहे. फोटोच्या कॅप्शनमध्ये "साधनाजींच्या सौंदर्याने प्रेरित असलेला आजचा लूक, तुम्हाला कसा वाटला?" असं तिने विचारलं. ६०व्या दशकात साधनाजींनी चित्रपटसृष्टीवर आपल्या अभिनयाने आणि सौंदर्याने भूरळ पाडली होती. 'असली नकली' या चित्रपटातील 'तेरा मेरा प्यार अमर' या लता मंगेशकरांच्या गाण्याचा वापर कंगनाने या लूकसाठी केला आहे. दरम्यान लवकरच कंगना 'इमर्जन्सी' या चित्रपटातून प्रेक्षकांच्या भेटीला येणार आहे. या चित्रपटात तिने इंदिरा गांधींची भूमिका साकारली आहे. (All Photos- kanganaranaut/Instagram)