सारा अली खानची करीना अन् जेहसह मज्जामस्ती; पतौडी पॅलेसमध्ये असा साजरा झाला रक्षाबंधनाचा सण, पाहा Photo

१९ ऑगस्ट रोजी संपूर्ण भारतात रक्षाबंधन हा सण साजरा करण्यात आला. यामध्ये बॉलिवूड सेलिब्रिटी कसे मागे राहतील? दरवर्षीप्रमाणेच यंदाही सारा अली खानने पतौडी पॅलेसमध्ये रक्षाबंधन सण साजरा केला. यावेळी अभिनेत्री सोहा अली खान आणि करीना कपूर देखील उपस्थित होत्या. सर्वजण सुंदर पारंपरिक पेहरावात दिसून आले. सारा पिवळ्या रंगाचा सूट परिधान करून रक्षाबंधन साजरा करण्यासाठी आली होती, तर सोहाने लाल रंगाचा कुर्ता सेट परिधान केला होता. करीना गुलाबी कुर्ता सेटमध्ये दिसून आली. साराने पिवळ्या रंगाच्या सूट घातला होता. साध्या गोल नेकलाइनच्या या सूटमध्ये गोटा पट्टी आणि पुढच्या बाजूला तारे असलेले डिझाइन आहे. यामध्ये लाल रंगाचा टचही देण्यात आला आहे. सोहाने यावेळी लाल रंगाचा कफ्तान स्टाईल कुर्ता सेट घातला होता. या ड्रेसवर सोनेरी धाग्यांचे काम केले होते. व्ही नेकच्या या कुर्त्यावर सोहाने मॅचिंग पॅन्ट घातली होती. सोहाने तिचा लूक अतिशय साधा ठेवला होता. मिडल पार्टीशन बनमध्ये बांधलेल्या केसांसह तिने मिनिमल मेकअप केला होता, तर कपाळावरील लाल बिंदीने तिचे रूप आणखीनच सुंदर बनवले. करीना गुलाबी व्ही-नेकलाइन कुर्ता सेटमध्ये दिसली, तर सैफ आणि जेह निळ्या कुर्ता-पायजमामध्ये दिसले. इब्राहिम अली खान पांढरा शर्ट आणि काळ्या पँटमध्ये दिसला. सोहाची मुलगी इनायाने तिचे भाऊ तैमूर आणि जेह यांना राखी बांधण्यासोबतच त्यांच्या घरात त्यांची काळजी घेणाऱ्या सर्व लोकांना राखी बांधली. सारा अली खानने यावेळी इब्राहीम, तैमुर आणि जेहला राखी बांधली.