आई-बाबांसह मॅचिंग कपडे, चेहऱ्यावर निरागस भाव अन्…; आलियाच्या लेकीचे दिवाळीचे गोंडस फोटो पाहिलेत का?

आलिया भट्ट व रणबीर कपूर यांनी एकत्र संपूर्ण कुटुंबीयांबरोबर यंदाची दिवाळी साजरी केली. लक्ष्मीपूजनाच्या दिवशी आलियाने लेक राहाचे खास फोटो सोशल मीडियावर शेअर केले आहेत. याशिवाय आलिया, राहा आणि रणबीर यांनी एकत्र पापाराझींसमोर येऊन सर्वांना दिवाळीच्या शुभेच्छा देखील दिल्या. आलियाने शेअर केलेल्या फोटोंमध्ये राहाचा गोड अंदाज पाहायला मिळत आहे. चिमुकल्या राहाने दिवाळीनिमित्त आपल्या आई-बाबांच्या कपड्यांना मॅचिंग होईल असा ड्रेस घातला होता. आई-बाबांबरोबर पूजा करताना राहाच्या चेहऱ्यावरचा निरागस भाव सर्वांसाठीच लक्षवेधी ठरला. एका फोटोत नीत कपूर पूजा करताना राहा रणबीरच्या मांडीवर बसून चेहऱ्यावर खोडकर एक्स्प्रेशन्स देत असल्याचं पाहायला मिळत आहे. पारंपरिक लूकमध्ये भट व कपूर कुटुंबीय अतिशय सुंदर दिसत आहेत. राहाच्या गोड अंदाजाची नेहमीप्रमाणे सर्व नेटकऱ्यांना भुरळ पडली आहे. आलियाने शेअर केलेल्या फोटोंवर सर्वांनी लाइक्स अन् कमेंट्सचा पाऊस पाडला आहे. ( सर्व फोटो सौजन्य : आलिया भट्ट इन्स्टाग्राम व अभिनेत्रीचे फॅन पेजेस )