तारीख ठरली! मराठी कलाविश्वातील ‘ही’ जोडी अडकणार विवाहबंधनात, लग्नपत्रिका अन् प्री-वेडिंगचे फोटो आले समोर

मराठी कलाविश्वात सध्या अनेक कलाकारांची लगीनघाई सुरू असल्याचं पाहायला मिळत आहे. 'रंग माझा वेगळा' फेम अभिनेता अंबर गणपुळे आणि 'राजा राणीची गं जोडी' फेम अभिनेत्री शिवानी सोनार हे दोघंही लवकरच विवाहबंधनात अडकणार आहेत. या जोडप्याने गेल्यावर्षी गुढीपाडव्याच्या मुहूर्तावर साखरपुडा केला होता. यानंतर त्यांचे चाहते शिवानी आणि अंबरच्या लग्नाची आतुरतेने वाट पाहत होते. 'रंग माझा वेगळा' या मालिकेच्या टीमने काही दिवसांपूर्वीच या जोडप्याचं थाटामाटात केळवण केलं होतं. सध्या या दोघांच्या घरी लग्नाआधीच्या विधींना सुरुवात झाली आहे. शिवानी आणि अंबरचा मेहंदी आणि संगीत सोहळा नुकताच पार पडला. मेहंदी सोहळ्याला या दोघांनी Twinning केल्याचं पाहायला मिळत आहे. या दोघांची लग्नपत्रिका सुद्धा सोशल मीडियावर चर्चेत आली आहे. यामध्ये लग्नाची तारीख २१ जानेवारी अशी नमूद करण्यात आली आहे. याशिवाय अंबर-शिवानीच्या प्री-वेडिंग फोटोशूटवर सुद्धा चाहत्यांनी कौतुकाचा वर्षाव केला आहे. या जोडप्याने दोघांच्या नावाची फोड करून लग्नात #AmbAni असा हॅशटॅग वापरला आहे. ( सर्व फोटो सौजन्य : शिवानी सोनार इन्स्टाग्राम व twoseaters.in )