३ महिन्यांच्या लेकीसह ‘ठरलं तर मग’च्या सेटवर परतली अस्मिता! मालिकेच्या टीमबद्दल म्हणाली, “आवडतं काम करायला मिळणं…”

1/9

‘ठरलं तर मग’ मालिकेत अर्जुनच्या सख्ख्या बहिणीची भूमिका अभिनेत्री मोनिका दबाडे ( अस्मिता ) साकारत आहे.

2/9

मोनिका गरोदर असल्याने तिने काही महिन्यांपूर्वीच मालिकेतून ब्रेक घेतला होता.

3/9

मोनिकाने मालिकेतून ब्रेक घेतल्यावर अस्मिता तिच्या नवऱ्याकडे बाहेरगावी राहायला गेली असं कथानक मालिकेत दाखवण्यात आलं.

4/9

मात्र, आता लेकीच्या जन्मानंतर मोनिका पुन्हा एकदा कामावर परतली आहे.

5/9

मोनिकाला १५ मार्च २०२५ रोजी मुलगी झाली. अभिनेत्रीने तिच्या मुलीचं नाव वृंदा असं ठेवलं आहे.

6/9

आता ३ महिन्यांच्या लेकीला घेऊन मोनिका सेटवर परतली असून तिची मालिकेत सुद्धा एन्ट्री झालेली आहे.

7/9

‘ठरलं तर मग’ मालिकेच्या सेटवरच मोनिकाचं डोहाळेजेवण पार पडलं होतं. त्यामुळे सेटवर मोनिका लेकीला घेऊन गेल्यावर सगळी टीम आनंदी झाली होती.

8/9

मोनिका सेटवरचे फोटो शेअर करत लिहिते, “आवडत्या लोकांबरोबर, जगातल्या सगळ्यात आवडत्या व्यक्तीला घेऊन, आवडतं काम करायला मिळणं, यासाठी भाग्य लागतं! हे तुम्हा सगळ्यांमुळे शक्य होतंय.”

9/9

“आणि निगेटिव्ह कमेंट्सकडे दुर्लक्ष, आपल्या आपल्या कामाकडे लक्ष” असंही मोनिकाने कॅप्शनमध्ये म्हटलं आहे. ( सर्व फोटो सौजन्य : मोनिका दबाडे इन्स्टाग्राम )