लेक असावी तर अशी! मराठी अभिनेत्रीच्या मुलीने घेतलं नवीन घर; आईला ५० व्या वाढदिवसानिमित्त दिली खास भेट…; पाहा फोटो

आपल्या आईची सगळी स्वप्नं पूर्ण व्हावीत, अशी प्रत्येक मुलीची इच्छा असते. सध्या मराठी कलाविश्वातील अशाच एका मायलेकीच्या जोडीची सर्वत्र चर्चा होत आहे. लोकप्रिय अभिनेत्री रसिका धामणकर यांच्या लेकीने नुकतंच नवीन घर खरेदी केलं आहे. रसिका धामणकर यांना ५० व्या वाढदिवसानिमित्त त्यांच्या मुलीने नव्या घराच्या रुपात खास गिफ्ट दिलं आहे. रसिका यांची लेक अंतराचं नव्या घराचं स्वप्न वयाच्या २८ व्या वर्षी पूर्ण झालं आहे. या मायलेकींनी संपूर्ण कुटुंबासह नुकताच नव्या घरात गृहप्रवेश केला. रसिका धामणकर यांची लेक अंतरा लिहिते, "लहानपणापासून मी एक स्वप्न पाहिलं होतं, ते म्हणजे माझं हक्काचं घर असावं. मी स्वत:च्या मनाशी निश्चय केला होता, जेव्हा मी पहिलं घर घेईन ते माझ्या आईचं असेल." "माझं घराचं स्वप्न वयाच्या २८ व्या वर्षी पूर्ण झालं. हे घर माझ्या आईसाठी आहे... आय लव्ह यू आई!" अभिनेत्री रसिका धामणकर यांनी त्यांच्या नव्या घराची झलक चाहत्यांबरोबर शेअर केली आहे. सध्या संपूर्ण कलाविश्वातून रसिका धामणकर व त्यांची मुलगी अंतरावर कौतुकाचा वर्षाव करण्यात येत आहे. रसिका धामणकर यांच्या वर्कफ्रंटबद्दल सांगायचं झालं, तर ‘स्टार प्रवाह’च्या ‘लग्नाची बेडी’ या मालिकेतून त्या घराघरांत लोकप्रिय झाल्या. याशिवाय काही दिवसांपूर्वीच त्यांनी ‘अबोली’ मालिकेत एन्ट्री घेतल्याचं पाहायला मिळालं होतं. ( सर्व फोटो सौजन्य : रसिका धामणकर व अंतरा विजय इन्स्टाग्राम )