Photos: गौरी पूजनासाठी अंकिता वालावलकरचा हिरव्या खण साडीमध्ये पारंपरिक अंदाज; ब्लाऊजवरील डिझाईनने वेधले लक्ष

हिरव्या रंगाच्या पारंपरिक खण पैठणीत आणि नवरत्न दागिन्यांच्या सजावटीत अभिनेत्री अंकिता वालावलकर अतिशय देखणी दिसत आहे. भरतकाम केलेल्या ब्लाऊजमध्ये अंकिताने वेगळेपण जपलं आहे. पार्श्वभूमीला स्त्रीचित्र आणि कमळांच्या नक्षीमुळे या पोशाखाला कलात्मक उठाव मिळतोय. हिरव्या रंगाच्या साडीवर चंद्रकोरीची नक्षी आणि पल्लूवर पोपटांची कलाकुसर, यामुळे हे डिझाईन खऱ्या अर्थाने हटके वाटतेय. साडीतील ही कलात्मकता प्रेक्षकांना आकर्षित करते. केसांमध्ये गजरा, कानात जडावलेले दागिने आणि मंगळसूत्राच्या मोहक स्पर्शाने अंकिताचा मराठमोळा अंदाज या फोटोंमध्ये अधिक खुलतोय. पारंपरिक साडीसोबत हलक्या दागिन्यांची निवड करून अंकिताने लूकला आधुनिक स्पर्श दिला आहे, त्यामुळे तिचा अंदाज साधेपणातही आकर्षक वाटतोय. ब्लाऊजच्या मागच्या बाजूस रंगवलेले नाजूक स्त्रीचित्र हे पोशाखाचे मुख्य आकर्षण ठरत आहे. या कलाकृतीमुळे फॅशनसोबत कलात्मकतेचाही संगम साधला गेलाय. नैसर्गिक आणि ग्रामीण पार्श्वभूमीमध्ये टिपलेले हे फोटो पारंपरिक वेशभूषेला आणखी उठाव देतात. हिरवाईत खुललेली साडी तिच्या सौंदर्याला अधिकच उजाळा देतेय. पदरावर फुलं आणि पक्ष्यांची रंगीत नक्षी, पारंपरिक मराठी साडीला वेगळा राजेशाही अंदाज देत आहे. तिचा हा पोशाख सण-उत्सवासाठी प्रेरणादायी ठरू शकतो. (सर्व फोटो सौजन्य : अंकिता वालावलकर/इन्स्टाग्राम) (हेही पाहा: Photos: गणेशोत्सवात हिरव्या रेशमी पैठणीत खुलला अमृता देशमुखचा पारंपरिक अंदाज )