वजन वाढलंय? मग फॉलो करा ‘या’ सोप्या टिप्स

हल्ली अनेकांमध्ये वजन वाढीची चिंता भेडसावत असताना दिसून येतं. वजन वाढलं की त्याच्या शरीरावर वाईट परिणाम होतो आणि अनेक आजारांचा धोकाही वाढतो. वजन कमी करण्यासाठी काही सोप्या टिप्सचा अवलंब केल्यास शरीराला त्याचा फायदा होऊ शकतो. आहारातील कर्बोदकांचे प्रमाण कमी करून त्याजागी प्रथिनयुक्त आहार घेतल्यास वजन कमी होऊ शकते. जेवताना एकाचवेळी भरपूर न खाता थोड्या थोड्या वेळाने खात राहिल्यास कॅलरीजचं एकूण प्रमाण आटोक्यात राहून त्याने वजन कमी होण्यास मदत होते. मांस, मच्छी, अंडी अशा प्रथिनांनी युक्त पदार्थांचा आहारात समावेश केल्यास फार काळ भूक लागत नाही आणि त्याने वजन कमी होण्यास मदत होऊ शकते. फळे,भाज्या, धान्य, उपयुक्त फॅट्स यांचा समावेश असलेलं मेडिटरेनिअन डाएट वजन कमी करण्यास अत्यंत फायदेशीर ठरू शकतं. जास्त प्रमाणात फॅट्स, कमी प्रमाणात कर्बोदके यांचं समीकरण असलेलं केटो डाएट वजन कमी करण्यास उपयुक्त ठरू शकते. येथे देण्यात आलेली माहिती गृहीतके आणि सामान्य माहितीवर आधारित आहे. (Photos: Freepik)