Oral Sex: ओरल सेक्सने घशाचा कॅन्सर होतो? तज्ज्ञांचा ‘हा’ दावा खरं आहे का? म्हणाले, “तोंडावाटे…”

घशाचा कर्करोग होण्यासाठी धूम्रपान किंवा मद्यपान कारणीभूत असतं, असं आजपर्यंत आपल्याला कानावर ऐकू आलयं. पण आता नुकतीच एका संशोधनातून विचित्र बाब समोर आली आहे. तोंडावाटे केलेला सेक्स आणि घशाचा कर्करोग होण्याचा स्पष्ट असा संबंध असल्याचं, या संशोधनात सांगण्यात आलंय. ओरल सेक्स आजकाल तरुणांमध्ये मोठ्या प्रमाणात प्रचलित आहे. ओरल सेक्स करताना लैंगिक संक्रमित संसर्ग होण्याचा धोका जास्त असतो. यूके आणि यूएसमधील एका अभ्यासात असुरक्षित ओरल सेक्स हा घशाच्या कर्करोगासाठी धोकादायक ठरत असल्याचा दावा करण्यात आलायं. ओरल सेक्समुळे घशाच्या मागच्या बाजूला कॅन्सर होऊ शकतो. या प्रकारच्या कॅन्सरला ओरोफॅरेजियल कॅन्सर (oropharyngeal Cancer) असं म्हणतात. अन्प्रोटेक्टेट ओरल सेक्समुळे हा त्रास होऊ शकतो. संशोधनानुसार,ओरल सेक्समुळे थेट घशाचा कॅन्सर होत नाही, पण तो Human Papillomavirus (HPV) पसरवू शकतो. एचपीव्हीमुळे पेशींमध्ये कॅन्सररोगापूर्वीचे बदल होऊ शकतात, ज्यामुळे नंतर घशाचा कॅन्सर होऊ शकतो. अलिकडच्या वर्षांत HPV विषाणूमुळे घशाच्या कर्करोगाच्या संख्येत वाढ झाली आहे. घशाचा कर्करोग तोंडावाटे संभोगातून प्रसारित होतो. कित्येक लैंगिक आजारांचा प्रार्दुभाव होण्यामागे बहुतांश वेळा ह्युमन पॅपिलोमा व्हायरस (HPV) कारणीभूत असल्याचे समोर आले आहे. या व्हायरसमुळे घशाचा कॅन्सर होण्याची अधिक भीती असते. जे एकापेक्षा अधिक लोकांसोबत लैंगिक संबंध प्रस्थापित करतात, त्यांना घशाचा कॅन्सर होण्याची भीती अधिक असते. त्यामुळे एकपेक्षा अधिक लोकांसोबत शारीरिक संबंध ठेवू नये. ओरल सेक्सदरम्यान एचआयव्ही किंवा लैंगिक आजारांची लागण होण्याची भीती असते. या आजारांच्या विषाणूंचा फैलाव शरीरावर झालेली दुखापत, जखमा किंवा फोड यांच्या माध्यमातूनही होऊ शकतो. जीभ आणि टॉन्सिलशी संबंधित कोणतेही आजार उद्भवल्यास डॉक्टरांकडे जावे. शरीरात काही त्रासदायक बदल जाणवल्यास तातडीनं वैद्यकीय तपासणी करून घ्यावी. (हे ही वाचा : मासिक पाळीच्या ‘त्या’ ४ दिवसात सेक्स केल्यास गर्भधारणा होण्याची शक्यता आहे का? तज्ज्ञांनी काय सांगितलं, जाणून घ्या ) (टीप: वरील लेख प्राप्त माहितीवर आधारीत आहे, अधिकच्या माहितीसाठी डॉक्टरांशी संपर्क साधा) (फोटो सौजन्य: freepik\संग्रहित छायाचित्र)