Shardiya Navratri 2023 Fasting: नवरात्रीत उपवास करताना ‘अशी’ घ्या काळजी

नवरात्रोत्सवादरम्यान भाविक नऊ दिवस उपवास करतात. उपवास करताना आहारात हलक्या पदार्थांचा समावेश करा. उपवासाच्या दिवशी जास्तीत जास्त फळांचा आहारात समावेश केल्यास लवकर भूक लागत नाही आणि शरीरातील ऊर्जाही टिकून राहण्यास मदत होते. उपवासाचे पदार्थ दिवसातून ५-६ वेळा अगदी थोड्या प्रमाणात खावेत. जर निर्जळी उपवास करत असाल तर पाणी, लिंबू सरबत, शहाळे आणि ताक याचे सेवन करा. उपवासात दिवसातून २ लिटर द्रव पदार्थ घेतल्यास गरगरणे, चक्कर येणे, तोंडाला कोरड पडणे असे त्रास होत नाहीत. उपवासात तळलेले पदार्थ खाण्याऐवजी उकडलेल्या गोष्टी खाव्यात. दुपारच्या वेळी काही खावेसे वाटले तर मनुका, खजूर, अक्रोड, बदाम खा. राजगिरा हा उपवासाला चालणारा एक उत्तम पदार्थ आहे. त्यात चांगल्या प्रमाणात प्रथिने असतात. उपवासाच्या दिवशी शिंगाड्याचे पीठ खा. त्यात ७५ टक्के पिष्टमय पदार्थ आणि २० टक्के प्रथिने असतात. खाण्यामध्ये पदार्थांना गोड चव यावी याकरिता साखर वापरण्याऐवजी गूळ किंवा मध वापरा. पूर्ण वेळ उपाशी राहून उपवास केल्याने पित्त वाढते. नवरात्रोत्सवादरम्यान रक्तदाब आणि मधुमेही लोकांनी उपवास करणे टाळावे. येथे देण्यात आलेली माहिती गृहीतके आणि सामान्य माहितीवर आधारित आहे. (सर्व फोटो सौजन्य : इन्स्टाग्राम आणि Pexels) (हेही पाहा : मुंबईत नवरात्रौत्सवाला दणक्यात सुरुवात; दिमाखात पार पडला देवीचा आगमन सोहळा)