Photos: ‘नाना पटोलेंना दाखल करुन घ्या’ची मागणी करत भाजपाचं येरवडा मेंटल हॉस्पिटलसमोर आंदोलन

1/15

सोमवारी भंडारा जिल्ह्यात काँग्रेस प्रदेशाध्यक्ष नाना पटोले यांनी मोदींबाबत केलेल्या वादग्रस्त वक्तव्याने मोठ्या राजकीय वादाला तोंड फुटलं आहे.

2/15

‘मी पंतप्रधान नरेंद्र मोदी यांच्याबाबत बोललो नसून गावातील गुंडाबाबत बोललो आहे’, असा दावा पटोले यांनी केलाय. मात्र पटोले यांच्या या वक्तव्यानंतर राज्यामधील राजकारण चांगलेच तापले आहे.

3/15

भाजपाने मंगळवारी राज्यातील अनेक ठिकाणी आंदोलने, निदर्शने करुन नाना पटोलेंच्या वक्तव्याचा निषेध केला.

4/15

मंगळवारी राज्यामधील अनेक शहरांमध्ये नाना पटोलेंच्याविरोधात भाजपाच्या कार्यकर्त्यांकडून घोषणाबाजी करण्यात आली.

5/15

मुंबईसहीत अनेक शहरांमध्ये भाजपा कार्यकर्त्यांनी बॅनर्सच्या माध्यमातून पटोलेंचा निषेध केला.

6/15

काही ठिकाणी पटोलेंच्या फोटोला काळं पासून त्यांच्या वक्तव्याचा निषेध करण्यात आलाय.

7/15

भाजपाच्या मंगळवारच्या या आंदोलनामध्ये महिला कार्यकर्त्याही मोठ्या संख्येने सहभागी झाल्या होत्या.

8/15

अनेक ठिकाणी निषेधाचे फलक आणि बॅनर्स झळकावत भाजपा कार्यकर्त्यांनी पटोलेंविरोधात घोषणाबाजी केली.

9/15

या प्रकरणामध्ये काही शहरांमध्ये पोलिसांकडे पटोलेंविरोधात तक्रार दाखल करण्यात आलीय.

10/15

या प्रकरणाच्या तिसऱ्या दिवशी म्हणजेच आज (१९ जानेवारी २०२२) पुण्यामध्येही पटोलेंविरोधात भाजपा कार्यकर्त्यांनी आंदोलन केलं.

11/15

भाजपा पुणे शहर अध्यक्ष जगदीश मुळीक यांच्या नेतृत्वाखाली येरवडा येथील मनोरुग्णालयाबाहेर आंदोलन करण्यात आले.

12/15

पुतळा आणि मनोरुग्णालयामध्ये दाखल करण्याचं ओळखपत्र बनवून पटोलेंविरोधात घोषणाबाजी करण्यात आली.

13/15

यावेळेस पटोलेंच्या पुतळा तयार करुन त्या पुतळ्याच्या गळ्यामध्ये ‘मी वेडा आहे’ अशी पाटी लावण्यात आलेली.

14/15

नाना पटोले यांना अत्यंत गंभीर आजाराच्या उपचारासाठी त्वरित दाखल करण्यात यावे अशी मागणी यावेळी भाजपा कार्यकर्त्यांनी केली.

15/15

यावेळी पटोले यांच्या नावाचं रुग्णालयामध्ये दाखल करण्याचं एक ओळखपत्रही भाजपाने तयार करुन आंदोलनामध्ये घोषणाबाजी करताना वापरल्याचं पहायला मिळालं. (फोटो सौजन्य: सोशल नेटवर्किंग आणि सागर कासार, लोकसत्ता डॉट कॉम प्रतिनिधीकडून साभार)