“…तेव्हा आम्ही शरद पवारांच्या शिव्या खाल्ल्या होत्या”, जितेंद्र आव्हाडांनी सांगितली ‘ती’ घटना

महापुरुषांवर वादग्रस्त वक्तव्य केल्याच्या निषेधार्थ भाजपाचे नेते आणि राज्याचे उच्च व तंत्रशिक्षणमंत्री चंद्रकांत पाटील यांच्यावर शाईफेक करण्यात आली. त्यानंतर शाईफेक करणाऱ्यावर पोलिसांनी हत्येचा प्रयत्न केल्याचा गुन्हा दाखल केला. पोलिसांच्या या कारवाईवर अनेक प्रतिक्रिया येत आहेत. राष्ट्रवादी काँग्रेसचे आमदार आणि माजी मंत्री जितेंद्र आव्हाड यांनीही शाईफेक आणि गुन्हे दाखल करण्यावरून मत व्यक्त केलं. यावेळी जितेंद्र आव्हाडांनी शाईफेकीवरून राष्ट्रवादी काँग्रेसचे अध्यक्ष शरद पवार यांच्या भूमिकेविषयी एक घटना सांगितली. त्याचा हा आढावा... चंद्रकांत पाटील यांच्यावर शाईफेक करतानाचा फोटो/व्हिडीओ काढला म्हणून पत्रकारावर गुन्हा दाखल करणं हे अत्यंत चुकीचं आहे - जितेंद्र आव्हाड पत्रकार हा पत्रकारचं काम करत असतो. फोटो काढणं हे छायाचित्रकाराचं काम असतं - जितेंद्र आव्हाड आजच्या काळातील कॅमेरात मिनिटाला १०० फोटो निघतात - जितेंद्र आव्हाड त्यामुळे कुणी जरा हललं तरी छायाचित्रकार काही वेळेत २००-३०० फोटो काढून निघून जातो - जितेंद्र आव्हाड त्यामुळे शाईफेकीचा फोटो निघणारच होता. त्याने जाणूनबुजून किंवा प्लॅन करून करून असं होत नसतं - जितेंद्र आव्हाड सरकारने इतक्या छोट्या मनाच असू नये. सरकारने मोठ्या मनाचा असावं लागतं - जितेंद्र आव्हाड तुम्ही सत्ताधारी आहात. तुमच्या विरोधात आंदोलनं होणार, तुमच्या विरोधात निवेदनं येणार, तुमच्या विरोधात समाजात बोललं जाणार - जितेंद्र आव्हाड अशावेळी सत्ताधाऱ्यांनी त्यावर टाकून ते प्रकरण थंड केलं पाहिजे. तसेच आपण कसे पुढे जाऊ हे बघायचं असतं - जितेंद्र आव्हाड बिचाऱ्या फोटो काढणाऱ्या छायाचित्रकाराला सरकार अटक करतं. या महाराष्ट्रात अभिव्यक्ती स्वातंत्र्य नावाचं काही आहे की नाही? - जितेंद्र आव्हाड शाईफेकीच्या कटात पत्रकाराचा सहभाग असल्याच्या चंद्रकांत पाटलांच्या आरोपावरही जितेंद्र आव्हाडांनी भूमिका स्पष्ट केली. पत्रकार कुठल्याही कटात नसतात, ते आपलं काम करत असतात - जितेंद्र आव्हाड माझ्याबाबत सांगतो, माझ्याविरोधात कट रचला गेला हे कसं उघड झालं, तर एका पत्रकाराने काढलेल्या फोटोमुळेच ते समोर आलं - जितेंद्र आव्हाड तो व्हिडीओ नसता तर यांनी मला आणखी फसवलं असतं. फोटो व्हिडीओ काढणं हे पत्रकारांचं कामच आहे - जितेंद्र आव्हाड अशा घटनांमध्ये पोलीस दोषी नसतात. पोलिसांना का लक्ष्य केलं जात आहे. यात पोलीस काय करणार आहेत? - जितेंद्र आव्हाड गरीब बिचाऱ्या पोलिसांना निष्कारण अडचणीत आणलं जात आहे. त्यांना कामावरून काढायला लावलं जात आहे. माणुसकीतून विचार केला पाहिजे - जितेंद्र आव्हाड शाईफेक करणारा आंदोलन करणारा आहे. आंदोलन करणारा जीवावर उदार होऊनच आलेला असतो. आंदोलन तसंच असतं - जितेंद्र आव्हाड मी स्वतः एका डॉक्टरांच्या अंगावर शाई फेकली होती - जितेंद्र आव्हाड राष्ट्रवादी काँग्रेसच्या सुजाता ताईंनी होलीक्रॉसच्या प्राचार्यांच्या अंगावर शाई फेकली होती. तेव्हा आम्ही शरद पवार यांच्या शिव्याही खाल्ल्या होत्या. मात्र, ते आंदोलन होतं - जितेंद्र आव्हाड सुहास देसाई यांनी सिव्हिल हॉस्पिटलच्या सिव्हिल सर्जनच्या अंगावर अख्खी बाटली खाली केली होती - जितेंद्र आव्हाड शाईफेक हा आंदोलनाचा एक भाग आहे. मी ३५ वर्षे ते करतो आहे - जितेंद्र आव्हाड (सर्व फोटो संग्रहित)