खासदारकी गेली, दोन वर्षांची शिक्षा झाली… राहुल गांधींवरील कारवाईच्या मागील नेमकं प्रकरण जाणून घ्या

Rahul Gandhi Disqualified as Member of Lok Sabha: राहुल गांधी यांनी १३ एप्रिल २०१९ रोजी कर्नाटकातील कोलार येथे निवडणूक रॅलीत वादग्रस्त वक्तव्य केले होते. यावरून आता जवळपास चार वर्षांनी ही कारवाई करण्यात आली आहे. काँग्रेस नेते राहुल गांधी म्हणाले होते, “नीरव मोदी, ललित मोदी, नरेंद्र मोदी यांचे आडनाव एकसारखेच का आहे? सगळ्या चोरांची आडनावं मोदी का असतात? राहुल गांधींच्या या विधानाबाबत भाजप आमदार पूर्णेश मोदी यांनी राहुल यांच्यावर सुरत सत्र न्यायालयात फौजदारी मानहानीचा खटला दाखल केला होता. सर्व चोरांचे मोदी हे आडनाव आहे, असे म्हणत काँग्रेस नेते राहुल गांधी यांनी संपूर्ण मोदी आडनावाची बदनामी केल्याचा आरोप भाजप आमदाराने आपल्या तक्रारीत केला होता यानंतर सुरत न्यायालयाने मानहानीच्या एका प्रकरणात राहुल गांधींना दोन वर्षांची शिक्षा सुनावली. संपूर्ण मोदी आडनावाबद्दल आक्षेपार्ह विधान केल्याप्रकरणी न्यायालयाने त्यांना दोषी ठरवले. राहुल गांधींना उच्च न्यायालयात अपील करता यावे, यासाठी न्यायालयाने ३० दिवसांचा वेळ दिला आहे. असं असलं तरी शिक्षेला स्थगिती दिलेली नाही. विशेष म्हणजे न्यायालयाने त्यांना जामीनही दिला आहे लक्षद्वीपचे खासदार मोहम्मद फैजल, समाजवादी पार्टीचे नेते आझम खान, लालू प्रसाद यादव, भाजपाचे आमदार विक्रम सैनी यांच्यावर सुद्धा यापूर्वी अशाच प्रकारची कारवाई करण्यात आली होती. “माझा भाऊ कधी कोणाला…” राहुल गांधींची खासदारकी रद्द होताच प्रियंका गांधींचं ट्वीट चर्चेत; घोटाळ्यांची यादीच मांडली (सर्व फोटो: लोकसत्ता ग्राफिक्स टीम)