प्रियांका गांधी यांनी लोकसभेत शपथविधीसाठी नेसली केरळची पारंपरिक साडी; फोटोंनी वेधले लक्ष

काँग्रेस नेत्या (Congress Leader) प्रियांका गांधी वाड्रा (Priyanka Gandhi Vadra) यांनी आज लोकसभेत खासदारकीची शपथ (Lok Sabha MP Oath Taking Ceremony) घेतली. राहुल गांधी (Rahul Gandhi) यांनी राजीनामा दिल्यानंतर वायनाडची (Wayanad Lok Sabha Seat) जागा मोकळी झाली होती. २०२४ च्या लोकसभा निवडणुकीत (Lok Sabha Elections 2024) राहुल गांधी ३.६५ लाख मतांनी विजयी झाले होते. १३ नोव्हेंबर रोजी याठिकाणी झालेल्या पोटनिवडणुकीत प्रियांका यांनी विजय मिळविला. वायनाडमधून प्रियांका यांना एकूण ६,२२,३३८ एवढी मते मिळाली होती. आज शपथविधीसाठी प्रियांका यांनी पांढऱ्या रंगाची सोनेरी बॉर्डर असलेली केरळ पारंपरिक साडी (White Golden Border Kerala Saree) नेसली होती. प्रियांका काही खासदारांबरोबर (Member Of Parliament) संसदेत आल्या होत्या. प्रियांका गांधी खासदार झाल्यामुळे गांधी कुटुंबातील तीन खासदार संसदेत आले आहेत. सोनिया गांधी (Sonia Gandhi) या राज्यसभेच्या खासदार (Member Of Rajya Sabha) आहेत. तर विरोधी पक्षनेते राहुल गांधी हे रायबरेलीचे (Raebareli) खासदार आहेत. प्रियांका यांनी संविधानाची प्रत (Constitution Of India) हातात घेऊन शपथ घेतली. जनतेचा आवाज उचलण्यासाठी मी सभागृहात आले आहे, असे प्रियांका यावेळी म्हणाल्या. (सर्व फोटो सौजन्य : प्रियांका गांधी आणि काँग्रेस सोशल मीडिया) (हेही पाहा : नवव्यांदा आमदार झालेल्या भाजप नेत्याच्या लेकाचा शाही विवाहसोहळा; फोटो सोशल मीडियावर व्हायरल)