World Cup 2023: क्रिकेट वर्ल्ड कपचे सामने मोफत कुठे पाहता येणार? जाणून घ्या एका क्लिकवर

उद्यापासून म्हणजेच ५ ऑक्टोबरपासून विश्वचषकाला सुरुवात होत आहे. उद्घाटनाचा सामना गतविजेता इंग्लंड आणि न्यूझीलंड यांच्यात होणार आहे. अहमदाबादच्या नरेंद्र मोदी स्टेडियमवर हा सामना होणार असून याच मैदानावर १९ नोव्हेंबरला अंतिम सामनाही होणार आहे. या मेगा स्पर्धेत भारतासह एकूण १० संघ सहभागी होत आहेत. ४५ दिवस चालणाऱ्या या विश्वचषकात एकूण ४८ सामने खेळवले जाणार आहेत. (फोटो-आयसीसी ट्विटर) चाहत्यांसाठी आनंदाची बातमी आहे. या स्पर्धेतील सामने तुम्हाला फ्री मध्ये पाहता येणार आहे. हे सामने क्रिकेट चाहत्यांना कुठे फ्री मध्ये पाहता येणार, जाणून घेऊया... स्टार स्पोर्ट्स नेटवर्कवर वर्ल्डकप सामन्यांचे थेट प्रक्षेपण केले जाईल. स्टार स्पोर्ट्स चॅनेलवर चाहत्यांना वेगवेगळ्या भाषांमध्ये या सामन्यांचा आनंद घेता येईल. त्याचवेळी, डीडी फ्री डिश वापरणारे दर्शक डीडी स्पोर्ट्सवर भारताचे सामने आणि उपांत्य फेरी आणि अंतिम सामने विनामूल्य पाहू शकतील. तुम्हाला मोबाईलवर सुध्दा सर्व सामने मोफत पाहता येणार आहे. सर्व सामन्यांचे लाइव्ह स्ट्रीमिंग डिज्नी प्लस हॉटस्टारवर पाहायला मिळणार आहे. तुम्ही https://www.loksatta.com वरही विश्वचषकाशी संबधित लाईव्ह अपडेट वाचू शकता. (फोटो सौजन्य: financialexpress)