“संजय राऊत महाराष्ट्राच्या राजकारणाला लागलेली…”, शिंदे गटाच्या नेत्याची जीभ घसरली

ठाकरे गट आणि शिंदे गटात सातत्याने आरोप-प्रत्यारोपाच्या फैरी झडत आहेत. संजय शिरसाट यांनी ठाकरे गटासह खासदार संजय राऊत यांच्यावर जोरदार हल्लाबोल केला आहे. ठाकरे गट हा गद्दार आहे. ते शरद पवारांच्या मांडीवर जाऊन बसले आहेत, अशी टीका संजय शिरसाट यांनी केली. ठाकरे गटाने शिवसेनाप्रमुखांच्या विचारांना तिलांजली दिली. बाळासाहेबांच्या विचारांना मातीत गाडलं आहे- संजय शिरसाट शिवसेनेनं काँग्रेस-राष्ट्रवादीबरोबर जायला नको होतं, पण ते गेले- संजय शिरसाट आम्ही कोणाच्या मांडीवर जाऊन बसलो नाही. ठाकरे गट शरद पवारांच्या मांडीवर जाऊन बसला. ठाकरे गट ‘सिल्व्हर ओक’ला नतमस्तक झाला आहे- संजय शिरसाट यापूर्वी ‘मातोश्री’वर अमित शाह, नरेंद्र मोदी आणि राष्ट्रपती पदाचे उमेदवार येत होते. आता हीच‘मातोश्री’ लोकांच्या दरवाजावर कटोरा घेऊन जातं आहे, याचं दु:ख आम्हाला होतं- संजय शिरसाट ठाकरे गटाच्या या अवस्थेचे कर्ते-करविते संजय राऊतांसारखे पागल लोक आहेत- संजय शिरसाट संजय राऊत हे महाराष्ट्राच्या राजकारणाला लागलेली कीड आहे. या किडीमुळे उद्धव ठाकरेंचं अध:पतन झालं आहे- संजय शिरसाट