महाराष्ट्रात ‘या’ ठिकाणी समोरासमोर दोन वेगवेगळ्या नावाची रेल्वे स्थानकं; शहराचे नाव वाचून व्हाल चकित

भारतीय रेल्वे हे आशियातील सर्वात मोठे आणि जगातील चौथ्या क्रमांकाचे रेल्वे नेटवर्क आहे. भारतात सार्वजनिक वाहतूक व्यवस्थेत प्रवासासाठी सर्वाधिक रेल्वेचा वापर होतो. रेल्वे हे केवळ भारतातच नाही तर जगातील बहुतेक देशांमध्ये कनेक्टिव्हिटीचे सर्वोत्तम साधन आहे. एका दिवसात लाखो लोक रेल्वेने प्रवास करत असतात. तुम्हीही अनेकदा रेल्वेने प्रवास केलाच असेल. रेल्वेचा प्रवास सुखकर आणि कमी पैशात आरामदायी मानला जातो. भारतीय रेल्वे जगभरात प्रसिध्द आहे. भारतीय रेल्वे देशाच्या कानाकोपऱ्यात पसरली आहे. अनेकांचे आयुष्य रेल्वेशी निगडीत आहे. याद्वारे लोक एका शहरातून दुसऱ्या शहरात आणि संपूर्ण देशात प्रवास करू शकतात. सहसा प्रत्येक शहरात एक रेल्वे स्थानक असते. आपण जेव्हा रेल्वेने प्रवास करतो तेव्हा रेल्वेच्या एका स्थानकावर उतरतो, त्या स्थानकाला एक ठराविक नाव दिलेलं असतं, ज्यामुळे आपल्याला त्या स्थानकाची ओळख पटवताना मदत मिळते. पण तुम्हाला माहिती आहे का की, महाराष्ट्रात एक असं ठिकाण आहे. जेथे एकाच ठिकाणी दोन रेल्वे स्थानके आहेत आणि ज्याला वेगळी नावं देखील दिली आहेत. महाराष्ट्रातील अहमदनगर जिल्ह्यात श्रीरामपूर आणि बेलापूर स्थानके एकाच ठिकाणी असून ते ट्रॅकच्या विरुद्ध बाजूस आहेत. महाराष्ट्रातील अहमदनगरमधील हे स्टेशन खूप प्रसिद्ध आहे. येथे तिकीट खरेदी करण्यापूर्वी कोणत्याही प्रवाशाला ट्रेन कोणत्या प्लॅटफॉर्मवर येणार हे स्पष्टपणे समजून घेणे आवश्यक असते. बेलापूर आणि श्रीरामपूर शहरापासून ५ किमी अंतरावर रेल्वे स्टेशन आहे. हे औरंगाबाद, शिर्डी आणि अहमदनगर या रेल्वे स्टेशनशी जोडले गेले आहेत. (फोटो सौजन्य : indian express)