पुणे : महंमदवाडीत सराईत गुन्हेगारावर गोळीबार

पुणे : सराईत गुन्हेगार पच्चीस उर्फ फैजान रमजान शेख ( वय. २१, रा. सय्यद नगर कोंढवा) याच्यावर दुचाकीवरून आलेल्या एकाने पिस्तुलातून गोळीबार केला. ही घटना गुलामअलीनगर महंमदवाडी भागात घडली. त्याच्यावर दोन गोळ्या झाडण्यात आल्या असून, पोटात गोळी लागल्याने तो जखमी झाला आहे. सुरुवातीला त्याच्यावर खासगी रुग्णालयात प्रथमोपचार करून पुढील उपचारासाठी त्याला सासवड रुग्णालयात दाखल करण्यात आले आहे.