पिंपरी : पिंपरी-चिंचवड शहरात मंगळवारी रात्रीपासून जोरदार पाऊस पडत आहे. रात्रभर पावसाची संततधार सुरू होती. मागील चोवीस तासांत पुणे जिल्ह्यात सर्वाधिक ५५ मिली मीटर पाऊस चिंचवडमध्ये झाला आहे. शहरात शनिवारी जोरदार पाऊस झाला होता. रविवार आणि सोमवार दोन दिवस पावसाने विश्रांती घेतली. मंगळवारी सकाळपासून ढगाळ वातावरण होते. दुपारी थोड्या सरी कोसळल्या. सायंकाळी सात पासून जोरदार पावसाला सुरुवात झाली.
रात्री आठ ते नऊ एक तास मुसळधार पाऊस झाला. रात्रभर पावसाची संततधार सुरूच होती. बुधवारी सकाळपासूनच पावसाला सुरुवात झाली आहे. मागील चोवीस तासात चिंचवडमध्ये सर्वाधिक ५५ मिली मीटर पाऊस पडला आहे. त्याखालोखाल तळेगावमध्ये ५०.५ मिली मीटर पावसाची नोंद झाली आहे. मुसळधार पावसामुळे चोहीकडे पाणीच पाणी झाले. रस्ते जलमय झाले आहेत. रस्त्यांवर पडलेल्या खड्ड्यांत पाणी साचल्याने रस्ते जलमय झाले होते. परिणामी, वाहतूक संथ गतीने झाली आहे.
हेही वाचा : चिंचवडमध्ये एसटी बस रस्ता दुभाजकाला धडकली; प्रवासी बचावले
दरम्यान, पवना धरण १०० टक्के भरल्याने रात्रीपासून धरणातून पाण्याचा विसर्ग सुरू केला आहे. १४०० क्युसेक्सने नदीत पाणी सोडण्यात येत आहे. पावसाचे प्रमाण पाहता धरणाच्या सांडव्यावरून पवना नदीपात्रामध्ये पाण्याचा विसर्ग सुरू करण्याची दाट शक्यता आहे. नदी काठच्या नागरिकांना सतर्कतेचा इशारा देण्यात आला आहे.
Pune News (पुणे न्यूज), Maharashtra News, Marathi News (मराठीतील बातम्या) वाचण्यासाठी डाउनलोड करा लोकसत्ताचं Marathi News App.
Web Title: Pune pavana dam filled upto 100 percent of its capacity continuous rainfall in pimpri chinchwad pune print news ggy 03 css
