Traders support the Pune bandh called to protest the Governor's statement about chatrapati shivaji maharaj | Loksatta

राज्यपालांच्या वक्तव्याच्या निषेधार्थ पुकारलेल्या ‘पुणे बंद’ला व्यापाऱ्यांचा पाठिंबा

राज्यपाल भगतसिंह कोश्यारी यांनी छत्रपती शिवाजी महाराजांबद्दल केलेल्या वादग्रस्त विधानाविरोधत १३ डिसेंबरला पुणे बंदची हाक देण्यात आली आहे. शहरातील व्यापाऱ्यांनी बंदला पाठिंबा दर्शवला आहे.

राज्यपालांच्या वक्तव्याच्या निषेधार्थ पुकारलेल्या ‘पुणे बंद’ला व्यापाऱ्यांचा पाठिंबा
संग्रहित छायाचित्र

छत्रपती श्री शिवाजी महाराज यांच्याविषयी अवमानकारक वक्तव्य केल्याच्या निषेधार्थ १३ डिसेंबर रोजी पुकारण्यात आलेल्या बंदला पुणे शहर व्यापारी महासंघाने पाठिंबा जाहीर केला आहे. मंगळवारी (१३ डिसेंबर) शहरातील व्यापारी दुकाने दुपारी तीन वाजेपर्यंत बंद ठेवण्यात येणार असल्याचे कळविण्यात आले आहे.

हेही वाचा- पुणे : विनाअनुदानित शाळेतून अनुदानित शाळेत बदली स्थगितीच्या निर्णयाला विरोध

राज्यपालांच्या वक्तव्याच्या निषेधार्थ पुकारण्यात आलेल्या बंदला पाठिंबा देण्याचे आवाहन संभाजी ब्रिगेड, काँग्रेस, राष्ट्रवादी काँग्रेस, शिवसेना तसेच विविध संघटनांकडून पुणे व्यापारी महासंघाच्या पदाधिकाऱ्यांना करण्यात आले होते. त्यानंतर व्यापारी महासंघाच्या पदाधिकाऱ्यांची बैठक गुरुवारी (८ डिसेंबर) पार पडली. व्यापारी महासंघाचे अध्यक्ष फत्तेचंद रांका, उपाध्यक्ष सूर्यकांत पाठक, नितीन काकडे, अरविंद कोठारी, सचिव महेंद्र पितळीया, सहसचिव मिलिंद शालगर, राहुल हजारे आदी या वेळी उपस्थित होते.

हेही वाचा- पुणे : गुजरातमधील विजयानंतर पुण्यात भाजप कार्यकर्त्यांचा जल्लोष

या बैठकीत शहरातील व्यापाऱ्यांनी बंदला पाठिंबा देण्याचा निर्णय घेतला. १३ डिसेंबर रोजी शहरातील दुकाने दुपारी तीन वाजेपर्यंत बंद ठेवण्यात येणार असल्याचे पुणे व्यापारी महासंघाचे अध्यक्ष फत्तेचंद रांका आणि सचिव महेंद्र पितळीया यांनी कळविले आहे.

मराठीतील सर्व पुणे ( Pune ) बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

First published on: 08-12-2022 at 21:38 IST
Next Story
पुणे : विनाअनुदानित शाळेतून अनुदानित शाळेत बदली स्थगितीच्या निर्णयाला विरोध