वसंत मोरे यांनी डोकं शांत ठेवून निर्णय घ्यावा : आमदार रविंद्र धंगेकर

या भेटीनंतर आमदार रविंद्र धंगेकर म्हणाले की, मागील अनेक वर्षांपासून मी आणि वसंत मोरे राजकीय जीवनात एकत्रित काम करीत आलो आहे. पुणे महापालिकेमध्ये आम्ही दोघांनी राज ठाकरे यांच्या नेतृत्त्वाखाली नगरसेवक म्हणून काम केले आहे. पुणे महापालिकेच्या सभागृहात एकत्रित अनेक वर्ष काम केले. त्या काळात मी विरोधी पक्षनेता होतो. तर त्यांनी गटनेता म्हणून काम केले आहे. त्यामुळे आमच्या दोघांचा स्वभाव एकमेकांना चांगला माहिती आहे. तसेच वसंत मोरे यांना सर्व पक्षाकडून निमंत्रण आहे. या सर्व गोष्टी लक्षात घेऊन मी राजकीय जीवनातील मोठ्या भावाच्या नात्याने वसंत मोरे यांच्यापेक्षा दोन चार वर्षांनी मोठा असेल ही बाब लक्षात घेऊन वसंत मोरे यांनी डोकं शांत ठेवून निर्णय घ्यावा, तसेच आपण ज्या जुन्या पक्षात होता. त्या पक्षावर कधीच टीका करू नका असा मैत्रीचा सल्ला दिल्याचे त्यांनी सांगितले.

आणखी वाचा- अमली पदार्थ तस्कर ललित पाटीलसह १४ जणांविरुद्ध तीन हजार पानी आरोपपत्र

रविंद्र भाऊंची भेट सहज घेतली : वसंत मोरे

मागील अनेक वर्षांपासून रविंद्र भाऊ हे शहरासाठी काम करीत आहेत. पुणे शहर स्वच्छ,सुंदर आणि सुरक्षित राहिले पाहिजे. हाच माझा आणि त्यांचा हेतू आहे. मी १५ वर्षापासून नगरसेवक आहे.तर रविंद्र भाऊ ३० वर्षापासून नगरसेवक म्हणून काम पाहिले आहे. तसेच मी पहिल्यांदा नगरसेवक झालो. तेव्हा माझा पहिला गुरू रविंद्र भाऊ, त्या काळात रविंद्र भाऊ यांनी पुणे महापालिकेच्या सभागृहात वेळोवेळी भाषण करण्याची संधी दिली. त्यामुळे पुढील राजकीय वाटचालीमध्ये त्याचा फायदा झाला आहे. तसेच आजची भेट अगदी सहज घेतली असून अद्यापपर्यंत कोणताही निर्णय झाला नसल्याचे वसंत मोरे यांनी काँग्रेस पक्षाचे आमदार रविंद्र धंगेकर यांची भेट घेतल्यानंतर प्रसार माध्यमाशी बोलताना सांगितले.