IND vs ENG 5th T20I Highlights : भारताने अभिषेक शर्माच्या विक्रमी १३५ धावांच्या जोरावर इंग्लंडचा १५० धावांनी दारुण पराभव केला. त्याचबरोबर पाच सामन्यांच्या मालिकेा ४-१ ने खिशात घातली. अभिषेक शर्माच्या आक्रमक खेळीमुळे भारताने २० षटकांत ९ गडी गमावून २४७ धावा केल्या होत्या. प्रत्युत्तरात इंग्लंडचा संघ केवळ ११व्या षटकात ९७ धावांवर गारद झाला. सामन्यानंतर अभिषेक शर्माला सामनावीर पुरस्कार देऊन गौरविण्यात आले.
IND vs ENG 5th T20I Highlights : टीम इंडियाने २०१७ पासून इंग्लंडविरुद्ध सलग पाच टी-२० मालिका जिंकली आहे. ज्यामध्ये २०१७, २०१८, २०२१, २०२२ आणि २०२५ मधील मालिकांचा समावेश आहे.
IND vs ENG Live : पाचव्या सामन्यासाठी दोन्ही संघांची संभाव्य प्लेइंग इलेव्हन
पाचव्या सामन्यासाठी दोन्ही संघांची संभाव्य प्लेइंग इलेव्हन
भारत : संजू सॅमसन (यष्टीरक्षक), अभिषेक शर्मा, तिलक वर्मा, सूर्यकुमार यादव (कर्णधार), हार्दिक पंड्या, शिवम दुबे/रमनदीप सिंग/ध्रुव जुरेल, रिंकू सिंग, अक्षर पटेल, वरुण चक्रवर्ती, मोहम्मद शमी, अर्शदीप सिंग/हर्षित राणा.
इंग्लंड : फिल सॉल्ट (यष्टीरक्षक), बेन डकेट, जोस बटलर (कर्णधार), जेकब बेथेल, हॅरी ब्रूक, लियाम लिव्हिंगस्टोन, जेमी ओव्हरटन, ब्रायडन कार्स, गस ऍटकिन्सन, आदिल रशीद, साकिब महमूद.
सूर्यकुमार यादवला इतिहास घडवण्याची संधी
सूर्यकुमार यादवने आतापर्यंत 82 टी-20 आंतरराष्ट्रीय सामन्यांमध्ये 146 षटकार मारले आहेत. अशा परिस्थितीत, जर त्याने इंग्लंडविरुद्धच्या शेवटच्या T20 सामन्यात आणखी चार षटकार मारले, तर तो पूर्ण सदस्य संघातील 100 पेक्षा कमी टी-20 आंतरराष्ट्रीय सामन्यांमध्ये 150 षटकारांचा आकडा गाठणारा सर्वात वेगवान खेळाडू बनेल. सध्या हा विक्रम न्यूझीलंडचा फलंदाज मार्टिन गप्टिलच्या नावावर आहे, ज्याने 105 सामन्यांमध्ये 150 टी-20 आंतरराष्ट्रीय षटकार पूर्ण केले आहेत. भारतीय संघाच्या या विक्रमाबद्दल बोलायचे झाले तर त्यात रोहित शर्माचे नाव आहे, ज्याने 119 सामन्यात 150 T20 आंतरराष्ट्रीय षटकार पूर्ण केले होते.
IND vs ENG Live : वानखेडे झालेत अनेक मोठे विक्रम
वानखेडे झालेत अनेक मोठे विक्रम
वानखेडे स्टेडियम धावांच्या बाबतीत अनेक मोठ्या टी-20 विक्रमांचे साक्षीदार आहे. 2019 सय्यद मुश्ताक अली करंडक स्पर्धेत मध्य प्रदेशने मेघालयविरुद्ध 244/4 धावा करून या मैदानावर सर्वोच्च धावसंख्या केली. प्रत्युत्तरात मेघालयला केवळ 159/9 धावा करता आल्या, त्यात मध्य प्रदेशने 85 धावांनी विजय मिळवला. रोहित शर्मा वानखेडेवर T20 क्रिकेटमध्ये सर्वाधिक धावा करणारा फलंदाज आहे, त्याने 85 सामन्यांमध्ये 2,445 धावा केल्या आहेत. रोहितने आता T20I मधून निवृत्ती घेतली असली तरी. विकेट्सच्या बाबतीत लसिथ मलिंगा 43 सामन्यात 68 बळी घेऊन आघाडीवर आहे. वानखेडेवर सर्वात मोठ्या धावसंख्येचा पाठलाग करणारा इंग्लंडने 2016 च्या T20 विश्वचषकात दक्षिण आफ्रिकेविरुद्ध 230 धावांच्या लक्ष्याचा पाठलाग केला होता.
IND vs ENG 5th T20I Live : वानखेडेवरील शेवटच्या सामन्यात इ्ंग्लंडने मारली होती बाजी
वानखेडेवरील शेवटच्या सामन्यात इ्ंग्लंडने मारली होती बाजी
वानखेडे स्टेडियवर २०१२ मध्ये इंग्लंड आणि भारत टी-२० सामन्या शेवटचे आमनेसामने आले होते. ज्यात इंग्लंडच्या संघाने बाजी मारली होती. त्या दोन्ही संघांतील आज एक फलंदाज या सामन्यात खेळताना दिसणार आहे. तो म्हणजे इंग्लंडचा कर्णधार जोस बटलर
IND vs ENG 5th T20I Live : वानखेडेची खेळपट्टी कशी आहे?
वानखेडेची खेळपट्टी कशी आहे?
भारत आणि इंग्लंड यांच्यातील पाचवा टी-२० सामना सांयकाळी सातपासून वानखेडे स्टेडियमवर खेळला जाणार आहे. वानखेडे स्टेडियमची खेळपट्टी फलंदाजांसाठी नेहमीच उपयुक्त ठरली असून त्यावर मोठी धावसंख्याही पाहायला मिळते. खेळपट्टी देखील गोलंदाजांना भरपूर उसळी देते जी मधल्या षटकांमध्ये पॉवर हिटर्सना थांबवण्याच्या दृष्टीने दोन्ही संघांसाठी महत्त्वाची ठरू शकते. मैदानात छोट्या चौकारांमुळे फलंदाजांना चौकार आणि षटकार मारण्याची भरपूर संधी मिळते. तर गोलंदाजांनाही पाचव्या टी-२० सामन्यात बाऊन्सचा फायदा घेता येईल.
Highlights cricket score India vs England T20I :दोन्ही संघांतील हेड टू हेड रेकॉर्डबद्दल बोलायचे तर दोन्ही संघांत आतापर्यंत एकूण २९ टी-२० सामने खेळले गेले आहेत. यापैकी भारताने १७ टी-२० जिंकले आहेत, तर इंग्लिश संघाने १२ जिंकले आहेत.