आयपीएल २०२३चा अंतिम सामना २८ मे २०२३ला रंगणार होता. मात्र कालचा संपूर्ण दिवस पावसात वाहून गेल्याने आज २९ मे रोजी पुन्हा घेण्यात आला. गुजरातने चेन्नईसमोर २१५ धावांचे मोठे लक्ष उभे केले. त्या धावसंख्येचा पाठलाग करण्यासाठी उतरलेल्या चेन्नईच्या डावात पुन्हा पावसाने खोडा घातला. तिसऱ्या चेंडूवर ऋतुराजने मोहम्मद शमीच्या तिसऱ्या चेंडूवर चौकार मारताच पावसाला सुरुवात झाली. तब्बल अर्ध्या तासाने पाऊस थांबला आणि मैदानाला पूर्वस्थितीत आणण्यासाठी मोठ्या प्रमाणावर प्रयत्न सुरू झाले. पावसाने चिखल झाल्याने तो वाळवण्यासाठी चक्क देशी उपाय वापरण्यात आला. पावसाच्या पाण्यानं ग्राऊंड्समन्सची तारांबळ उडाली त्यामुळे त्यांनी पाणी सुकवण्यासाठी थेट स्पंजनंच सुरुवात केली.
चेन्नईचा डाव सुरू होताच पुन्हा एकदा मुसळधार पावसाने सामन्यात व्यत्यय आणला. चेन्नईच्या डावातील एक षटकही पूर्ण होऊ शकले नाही. मोहम्मद शमीने तीन चेंडू टाकले आणि चेन्नईने विकेट न गमावता चार धावा केल्या. ऋतुराज गायकवाड
म्हणजेच एकही विकेट न गमावता ४३ धावा, एक विकेट पडली तर ४८ धावा, दोन विकेट्स पडल्या तर ५५ धावा, तीन विकेट्स पडल्या तर ६५ धावा, चार विकेट पडल्या तर ७७ धावा आणि पाच विकेट्स पडल्या तर ९५ धावा. जमिनीवर जोरदार वारे वाहत असल्याने कव्हर अबाधित ठेवण्यासाठी ग्राउंड-कर्मचारी धडपडत आहेत. लक्षात ठेवा, आम्हाला अजून दोन तास बाकी आहेत, त्यानंतर षटके कापायला सुरुवात होईल.
डकवर्थ-लुईस नियमानुसार काय असेल समीकरण
४३/०
४८/१
५५/२
६५/३
७७/४
९५/५
गुजरात टायटन्सने शानदार फलंदाजी करताना २० षटकांत ४ गडी गमावून २१४ धावा केल्या. आयपीएल फायनलमधील ही सर्वात मोठी धावसंख्या आहे. यापूर्वी २०१६ मध्ये सनरायझर्स हैदराबादने २० षटकांत ७ बाद २०८ धावा केल्या होत्या. चेन्नईला पाचव्यांदा आयपीएल चॅम्पियन बनण्यासाठी विक्रमी धावांचा पाठलाग करावा लागणार आहे. यापूर्वी आयपीएल फायनलमध्ये २०० धावांचा पाठलाग फक्त एकदाच झाला होता. २०१४ साली कोलकाताने फायनलमध्ये पंजाबसमोर २०० धावांचे आव्हान ठेवले होते. यापेक्षा जास्त धावांचा पाठलाग कधीच केला गेला नाही. गुजरातकडून साई सुदर्शनने तुफानी खेळी केली. त्याचे शतक जरी हुकले असले तरी त्याच्या या खेळीच्या जोरावर गुजरातने चेन्नईला अंतिम सामन्यात अडचणीत आणले आहे. त्याने ४७ चेंडूत ८ चौकार आणि ६ षटकारांच्या मदतीने ९६ धावा चोपल्या.
मराठीतील सर्व आयपीएल २०२३ बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.
