Jasprit Bumrah : ‘मी मीडियम पेसर नाही, फास्ट बॉलर’; मुंबई इंडियन्सच्या पोस्टने बुमराह भडकला, VIDEO व्हायरल

जसप्रीत बुमराहचा जुना व्हिडीओ व्हायरल –

जसप्रीत बुमराहने २०१३ मध्ये आयपीएलमध्ये पदार्पण केले होते. त्यावेळी त्यांचे वय १९ वर्षे होते. तो मुंबईच्या स्काऊट टीमचा शोध आहे. जसप्रीत बुमराह सुरुवातीपासूनच त्याचा अनोख्या बॉलिंग अॅक्शनमुळे प्रसिद्धीच्या झोतात आला होता. आता मुंबई इंडियन्सने असाच एक व्हिडीओ शेअर केला आहे. यामध्ये बुमराहच्या नावासमोर उजव्या हाताचा मीडियम पेसर असे लिहिले होते. ज्यामुळे तो खूश दिसत नाही. त्यामुळे पुढे व्हिडीओमध्ये बुमराह म्हणतोय, पण हे चुकीचे आहे, नाही का? मी मीडियम पेसर नाही, फास्ट बॉलर आहे.

पहिल्याच षटकात विराट कोहलीला केले होते बाद –

जसप्रीत बुमराहने आयपीएल २०१३ मध्ये रॉयल चॅलेंजर्स बंगळुरूविरुद्ध पदार्पण केले होते. त्याच्यासमोर जागतिक क्रिकेटमध्ये आपला दबदबा निर्माण करणारा विराट कोहली होता. विराटने बुमराहला पहिल्या चार चेंडूत तीन चौकार ठोकले. यावेळी बुमराहला रनअपमध्ये त्रास होत होता. यानंतर रनअपच्या ठिकाणी वाळू ओतली गेली आणि पुढच्याच चेंडूवर त्याने विराट कोहलीला एलबीडब्ल्यू करून पॅव्हेलियनचा रस्ता दाखवला.

हेही वाचा – AFG vs NZ Test : ग्रेटर नोएडा स्टेडियममध्ये पावसाचा कहर, अफगाणिस्तान-न्यूझीलंड कसोटीचा तिसरा दिवसही रद्द

२०१६ मध्ये भारतासाठी केले पदार्पण –

२०१६ च्या ऑस्ट्रेलिया दौऱ्यात जसप्रीत बुमराहला भारताकडून पदार्पण करण्याची संधी मिळाली. आतापर्यंत त्याने भारतासाठी ३६ कसोटी, ८९ एकदिवसीय आणि ७० टी-२० आंतरराष्ट्रीय सामने खेळले आहेत. त्याच्या नावावर कसोटीत १५९ आणि एकदिवसीय सामन्यात १४९ विकेट्स आहेत. बुमराहने टी-२० इंटरनॅशनलमध्येही ८९ फलंदाजांना बाद केले आहे. भारताकडून शेवटचा टी-२० विश्वचषक खेळलेला बुमराह बांगलादेशविरुद्धच्या कसोटी मालिकेतून मैदानात परतणार आहे.