Maharashtra News Highlights: आगामी स्थानिक स्वराज्य संस्थेच्या निवडणुकीच्या पार्श्वभूमीवर राज्यात राजकीय घडामोडींना वेग आला असून सर्वच पक्ष कामाला लागले आहेत. महाविकास आघाडीतील घटकपक्ष आणि त्यांच्या जोडीला यंदा राज ठाकरे आल्याचे दिसते. राज्यातील प्रमुख शहरात ९६ लाख बोगस मतदार निर्माण केल्याचा राज ठाकरे यांनी रविवारी (१९ ऑक्टोबर) केला. जोवर मतदार याद्या स्वच्छ होत नाहीत, तोवर राज्यात स्थानिक स्वराज्य संस्थांच्या निवडणुकाच होऊ देणार नाही, अशा पवित्रा त्यांनी घेतला आहे.
१ नोव्हेंबर रोजी विरोधकांनी या मुद्द्यावर मुंबईत मोर्चा काढण्याचा निर्धार केला आहे. तर सत्ताधारी भाजपा, शिवसेना (शिंदे) पक्षाकडून ठाकरे बंधूंच्या मनोमिलन आणि विरोधकांच्या भूमिकेवर टीका केली जात आहे.
दुसरीकडे पुण्यातील जैन मंदिराच्या जमीन व्यवहाराचा मुद्दा तापला आहे. शिवसेनेचे (शिंदे) नेते रवींद्र धंगेकर यांनी या प्रकरणात विद्यमान केंद्रीय मंत्री मुरलीधर मोहोळ यांच्यावर टिकास्र सोडले आहे.
Maharashtra Marathi News Live Updates | महाराष्ट्र न्यूज लाईव्ह अपडेट्स
‘एम्स’मध्ये निवासी डॉक्टरकडून प्राध्यापकाला मारहाण… वार्डात रुग्णांपुढेच…
Maharashtra News Live Update: रस्त्यावर वस्तू विकणाऱ्या मुलांबरोबर साजरी केली दिवाळी; पुण्यातील नेत्याचा स्तुत्य उपक्रम
सध्या सर्वत्र दिवाळीचा उत्सव आहे. दिवाळी म्हंटले की, लहान मुलांचे प्रमुख आकर्षण असते. फटाके, नवीन कपडे, खाऊ… मात्र रस्त्यावर राहणाऱ्या मुलांना दिवाळी काय असते हेच माहिती नसते. पुण्याचे माजी महापौर बाबा बागुल यांनी पुणे शहरात रस्त्यावर वस्तू विकणाऱ्या गरजू मुला-मुलींसोबत आज दिवाळी साजरी केली. डेक्कन गुडलक चौक येथे मुलांना पाटावर बसवून, सुगंधी उटणे आणि साबण लावून गरम पाण्याने ‘अभ्यंगस्नान’ घालण्यात आले. या मुलांना दिवाळी फराळ, नवीन कपडे आणि फटाके देऊन या मुलांचा आनंद द्विगुणित करण्यात आला.
Maharashtra News Live Update: ‘नरकासुराचा जन्म गुवाहाटीला झाला आज एकनाथ शिंदेंची जयंती’, संजय राऊतांचा टोला
शिवसेनेचे (ठाकरे) नेते संजय राऊत यांनी आज सकाळी माध्यमांशी बोलत असताना उपमुख्यमंत्री एकनाथ शिंदे यांच्यावर टीका केली. ते म्हणाले, आज नरक चतुर्थी आहे. नरकासुराचा जन्म गुवाहाटीला झाला होता. राज्यातले जे नरकासूर आहेत, ते गुवाहाटीला जाऊन त्याची पूजा करतात. त्यांना बॉडी पेन होणारच. आमच्या पोटात-छातीत दुखत नाही. आज नरकासुराची म्हणजेच एकनाथ शिंदेंची जयंती आहे, अशी टीका संजय राऊत यांनी केली.
आज नरकासुराला आपण जसे पायाखाली चिरडतो, तसे महाराष्ट्रातील गद्दार नरकासुरांना जनता पायाखाली चिरडून टाकेल, असेही संजय राऊत म्हणाले.
Murlidhar Mohol : पुण्यात जैन मंदिर जमीन व्यवहाराचा मुद्दा तापला, रवींद्र धंगेकर विरुद्ध मुरलीधर मोहोळ सामना; म्हणाले, “बडबड अर्धा तास, पण गडी…”
पुण्यातील जैन बोर्डिंग हाऊसच्या जमीनीच्या व्यवहारावरून रवींद्र धंगेकर व मुरलीधर मोहोळ आमनेसामने आले आहेत. (PC : Ravindra Dhangekar, Murlidhar Mohol/FB)