Maharashtra Updates: पावसाच्या भीतीने आख्खं मेट्रो स्टेशनच ताडपत्रीने झाकून टाकलं; BKC मधील अजब प्रकार!

गेल्या महिन्यात कारगिलमधील हुंडरमन गावातून नियंत्रण रेषा (एलओसी) ओलांडून नागपूरमधील ४३ वर्षीय सुनीता जमगडे पाकिस्तान मध्ये गेली होती. पाकिस्तानने तिला भारताच्या स्वाधीन केल्यावर तिला पोलिसांनी अटक केली. …वाचा सविस्तर

चंद्रपूर जिल्हा खनिकर्म अधिकारी कार्यालयाचे बनावट ‘लेटरपॅड’ तयार करून खोट्या ‘रॉयल्टी क्लिअरन्स’ प्रमाणपत्रावर जिल्हा खनिकर्म अधिकारी सुरेश नैताम यांची बनावट स्वाक्षरी करून तसेच अनाधिकृत शिक्का वापरून शासनाची सुमारे दीड कोटींपेक्षा अधिकची फसवणूक केल्याचे उघडकीस आले आहे. …अधिक वाचा

गिरीश महाजनांच्या १० पिढ्या उतरल्या तरी शिवसेना संपवणं जमणार नाही. पाच-पंचवीस माणसं फोडणं म्हणजे काय पक्ष संपवणं असतं का? नरेंद्र मोदीही म्हणत होते ना काँग्रेस मुक्त भारत? त्यांच्याच कार्यकाळात काँग्रेस जास्त वाढली. त्याच काँग्रेसच्या खासदारांना विदेशात पाठवून त्यांना भारताची भूमिका मांडावी लागली. गिरीश महाजनचा अभ्यास कच्चा आहे. नाचेगिरी करणं म्हणजे राजकारण नाही – संजय राऊत</p>

रेल्वे प्रशासनाने पूर्वीच्या भाडे दरापेक्षा दहा ते पंधरा रुपयांनी वाढ केली आहे. मात्र, याचा फटका रेल्वे प्रवाशांना बसणार आहे. …अधिक वाचा

सत्ताधारी महायुतीमध्ये शिवसेना शिंदे गटात म्हेत्रे यांनी प्रवेश केला असला तरी स्थानिक पातळीवर सूत जमणे कठीण असल्याचे मानले जाते. तसे संकेतच भाजपचे स्थानिक आमदार सचिन कल्याणशेट्टी यांनी दिले आहेत. …वाचा सविस्तर

हातात पोलीस आहेत. टेंडरबाजी, खंडणीतून प्रचंड पैसे हाती आहेत. त्या ताकदीवर लोकांना धमक्या देऊन ते पक्ष फोडत आहेत. त्यासाठी जे दलाल भाजपानं नेमले आहेत, त्यातले एक म्हणजे गिरीश महाजन. मला त्याबद्दल काही बोलायचं नाही. फोडू द्या पक्ष, ज्या दिवशी आमच्या हाती सत्ता असेल, त्या दिवशी पक्ष बदलणारा पहिला माणूस गिरीश महाजन असेल. उद्धव ठाकरे मुख्यमंत्री असताना यांच्या काही भानगडींच्या चौकशा सुरू होत्या तेव्हा हे पक्ष बदलायला तयार होते. तेव्हा हेच निरोप पाठवत होते की मी राजकारणातून बाहेर पडतो, शांत बसतो. हे डरपोक लोक आहेत – संजय राऊत, शिवसेना उद्धव ठाकरे गट खासदार

मनसे अध्यक्ष राज ठाकरेंनी मुंबईचे पोलीस आयुक्त देवेन भारती यांची भेट घेतली. या दोघांमध्ये नेमकी कोणत्या मुद्द्यांवर चर्चा झाली, यासंदर्भात अद्याप पक्षाकडून किंवा खुद्द राज ठाकरे यांच्याकडून कोणतीही अधिकृत माहिती देण्यात आलेली नाही.

बैठकांमध्ये काय चर्चा करणार आहात? या बैठका आधी झाल्या असत्या तर कदाचित वैष्णवी जिवंत असती. वैष्णवीसारख्या असंख्य महिला आज जिवंत असत्या. आज महिला आयोगाकडे हुंडाबळीची प्रकरणं शून्य दाखवतं. त्यांच्याकडे अशा तक्रारी शून्य असल्याचं त्या गर्वाने सांगतात. हा मूर्खपणा चालू आहे महाराष्ट्रात. माझी सरकारला विनंती आहे की हा दिखावा बंद करावा आणि महिला आयोगाच्या अध्यक्षांचा राजीनामा घेण्याची वेळ आली आहे. महिला आयोगाला पूर्णवेळ न्याय देऊ शकेल, अशा व्यक्तीची तिथे नियुक्ती होणं गरजेचं आहे – रोहिणी खडसे, राष्ट्रवादी काँग्रेस शरद पवार गटाच्या नेत्या

मला निमंत्रण आलेलं आहे, पण मी बैठकीला जाणार नाहीये. हे उशीरा आलेलं शहाणपण आहे. हे सर्वात आधी करायला हवं होतं. विरोधकांकडून महिला आयोगाच्या अध्यक्षांच्या राजीनाम्याची मागणी केली जाते म्हणून हे सगळं केलं जात आहे. या बैठकीतून काहीही निष्पन्न झालेलं नाही. आज वेळ आली आहे रुपाली चाकणकरांचा राजीनामा घेण्याची. कारण त्या निष्क्रिय अध्यक्षा आहेत. त्यांचा राजीनामा घेण्याऐवजी बैठका कसल्या घेत आहात? – रोहिणी खडसे, राष्ट्रवादी काँग्रेस शरद पवार गटाच्या नेत्या