‘भोला’ चित्रपटाच्या सिक्वेलमध्ये अजय देवगण सलमान खान झळकणार? निर्माते म्हणाले “ते दोघे…”

‘भोला’ चित्रपटाच्या टीझरनंतर आता एक मोठी बातमी समोर आली आहे. या चित्रपटाच्या नंतर अजय देवगण याचा पुढील भाग आणणार आहे. महत्त्वाचं म्हणजे या भागात भाईजान अर्थात सलमान खान दिसणार आहे. अजय देवगण सलमान खान चांगले मित्र आहेत. याआधी ते ‘सन ऑफ सरदार’ चित्रपटात दोघे एकत्र दिसले होते. अजय त्या चित्रपटात मुख्य भूमिकेत होता तर सलमान खान पाहुणा कलाकार म्हणून दिसला होता. मात्र चित्रपटाच्या निर्मात्यांनी यावर प्रतिक्रिया देत म्हणाले ‘अशी कोणतीच बातमी खरी नाहीये, सलमान अजय देवगण फक्त मित्र आहेत. अजय देवगण सध्या या चित्रपटाच्या पोस्ट प्रोडक्शनमध्ये व्यस्त आहे.’

वाढदिवसाच्या दिवशी कार्तिक आर्यन पोहचला सिद्धिविनायक मंदिरात; बाप्पाचे घेतलं दर्शन

अजय देवगण ‘दृश्यम २’ प्रमाणेच त्याच्या ‘भोला’ या चित्रपटसाठीही चर्चेत होता. हा चित्रपट त्याने स्वतः दिग्दर्शित केला आहे. यात त्याच्याबरोबर प्रमुख भूमिकेत अभिनेत्री तब्बू काम करताना दिसणार आहे. यापूर्वी या दोघांनी या चित्रपटाच्या चित्रीकरणादरम्यानचे अनेक फोटो सोशल मीडियावर पोस्ट केले होते.

‘भोला’ हा दाक्षिणात्य सुपरस्टार कार्थी याच्या ‘कैथी’ (Kaithi) या सुपरहिट चित्रपटाचा हिंदी रिमेक आहे. ‘कैथी’ हा चित्रपट २०१९ मध्ये प्रदर्शित झाला होता. अजय देवगण उत्तम अभिनेता आहेच मात्र तो दिग्दर्शनाकडे वळला आहे. याआधी त्याने ‘शिवाय’ नावाचा चित्रपट दिग्दर्शित केला होता.