Video : शाहरुख खान आणि विकी कौशलचा ‘ऊ अंटावा’ गाण्यावर डान्स; समांथा रुथ प्रभू व्हिडीओ शेअर करत म्हणाली, “मी स्वप्नातही…”

यंदाचा आयफा पुरस्कार सोहळा (आंतरराष्ट्रीय भारतीय चित्रपट अकादमी पुरस्कार) अबुधाबीमध्ये संपन्न झाला. या सोहळ्याचे सूत्रसंचालन शाहरुख खान आणि विकी कौशल यांनी केले. या जोडीने सोहळ्यात धम्माल उडवून दिली असून, त्यांचे अनेक व्हिडीओज सोशल मीडियावर व्हायरल होत आहेत.

हेही वाचा…Video : ‘ॲनिमल’साठी सर्वोत्कृष्ट खलनायकाचा पुरस्कार मिळाला अन् बॉबी देओलने पत्नीला केलं किस, व्हिडीओ व्हायरल

शाहरुख आणि विकीचा ‘ऊ अंटावा’वर धमाल परफॉर्मन्स

‘आयफा २०२४’मधील इव्हेंटचे अनेक व्हिडीओ सोशल मीडियावर व्हायरल होत आहेत, ज्यात शाहरुख ‘ऊ अंटावा’ गाण्यावर थिरकताना दिसतोय. एका व्हिडीओमध्ये शाहरुख समांथाच्या भूमिकेत दिसतो, तर विकीने ‘पुष्पा : द राइज’ चित्रपटातील अल्लू अर्जुनचा अवतार घेतला आहे. शाहरुखने विकीला पकडून समांथाने जशा प्रसिद्ध हूक स्टेप्स केल्या होत्या, तशाच स्टेप्स करत परफॉर्मन्स सादर केला.

समांथाची प्रतिक्रिया

समांथाने सोशल मीडियावर या परफॉर्मन्सवर प्रतिक्रिया दिली आहे. शाहरुख आणि विकीच्या ‘ऊ अंटावा’ डान्सचे व्हिडीओ पाहून ती थक्क झाली. समांथाने तिच्या इन्स्टाग्राम स्टोरीजवर त्याचा एक रील शेअर करत लिहिलं, “माझ्या आयुष्यात हे कधी होईल असं स्वप्नातही वाटलं नव्हतं.”

हेही वाचा…Video : दिलजीत दोसांझने पाकिस्तानी चाहतीला लाइव्ह कॉन्सर्टमध्ये दिली भेटवस्तू; म्हणाला, “या सीमा राजकारण्यांनी…”

दरम्यान, समांथा लवकरच ‘सिटाडेल : हनी बनी’ या प्रोजेक्टमध्ये दिसणार आहे. तिचा ‘बंगाराम’ सिनेमा २०२५ मध्ये प्रदर्शित होणार आहे. तसेच, तुंबाडचे दिग्दर्शक राही अनिल बर्वे यांच्या ‘रक्तब्रम्हांड’ या वेब सीरिजमध्येही समांथा झळकणार आहे.