शिल्पा शेट्टीची बहीण आणि अभिनेत्री शमिता शेट्टी सध्या तिच्या लव्ह लाइफमुळे बरीच चर्चेत आहे. काही दिवसांपूर्वीच शमिता शेट्टी एका पार्टीमधून बाहेर पडताना दिसली होती आणि त्यावेळी तिच्याबरोबर आमिर अली दिसला होती. तो गर्दीतून तिला कारपर्यत सोडायला गेला होता. त्यानंतर शमिता आणि आमिर यांच्या डेटिंगच्या चर्चा सुरू झाल्या होत्या. नुकतेच तिने बोल्ड सीन्सवर भाष्य केलं आहे.
‘मोहब्बतें’ या चित्रपटातून शमिताने बॉलिवूडमध्ये पदार्पण केलं. यावर्षीचा सर्वोत्कृष्ट पदार्पणाचा पुरस्कारही तिला मिळाला होता. याच चित्रपटात तिचा अभिनेता उदय चोप्राबरोबर किसिंग सीन होता. त्याबद्दल ती म्हणाली, “मला चांगलं आठवतं आहे की माझ्या किसिंग सीनमुळे माझे वडील माझ्याशी बोलत नव्हते. महिनाभर ते माझ्याशी बोलले नाहीत. मी माझ्या वडिलांच्या खूप जवळ असल्यामुळे ते माझ्याशी न बोलल्याने ते अस्वस्थ होते.”
ती पुढे म्हणाली, “पण जसजसा काळ पुढे सरकत गेला तसतसे चित्रपटांमध्ये ही गोष्ट सामान्य होत गेली. हे बाबांनाही समजले, पण त्यानंतर मी कोणालाच ऑनस्क्रीन किस केले नाही.” झूमला दिलेल्या मुलाखतीत तिने खुलासा केला आहे.
शमिता शेट्टी शेवटची टेनंटमध्ये दिसली होती आणि तिच्या अभिनयाचे कौतुक झाले होते. शमिता ‘बिग बॉस ओटीटी’नंतर राकेश बापटला डेट करत होती. शोदरम्यान दोघांची भेट झाली होती, मात्र आता दोघेही वेगळे झाले आहेत.