Thug Life च्या कमाईत घसरण सुरूच, चार दिवसांत कमावले फक्त ‘इतके’ कोटी

Thug Life Box Office Collection Day 4: सुपरस्टार कमल हासन यांचा ‘ठग लाईफ’ हा बहुप्रतिक्षित चित्रपट ५ जून रोजी चित्रपटगृहांमध्ये प्रदर्शित झाला. कमल हासन यांनी कन्नड भाषेसंदर्भात केलेल्या वक्तव्यानंतर मोठा वाद झाला आणि हा चित्रपट कर्नाटकात प्रदर्शित होऊ शकला नाही. इतर राज्यांमध्ये प्रदर्शित झाल्यावर या चित्रपटाला फार चांगला प्रतिसाद मिळाला नाही. बॉक्स ऑफिसवर ओपनिंग चांगली करणाऱ्या या चित्रपटाच्या कमाईत दुसऱ्या दिवसापासून सातत्याने घसरण होत आहे. ‘ठग लाईफ’ने रिलीजच्या चौथ्या दिवशी म्हणजे रविवारी किती कमाई केली? जाणून घेऊयात.

‘ठग लाईफ’ने रिलीजच्या पहिल्या दिवशी १५.५ कोटींची कमाई केली. दुसऱ्या दिवशी चित्रपटाची कमाई ५३.८७ टक्क्यांनी कमी झाली आणि ७.१५ कोटींचा गल्ला जमवला. तिसऱ्या दिवशी चित्रपटाने ७.७५ कोटींचे कलेक्शन केले. सॅकनिल्कच्या सुरुवातीच्या ट्रेंड रिपोर्टनुसार, ‘ठग लाईफ’ने रिलीजच्या चौथ्या दिवशी म्हणजेच रविवारी ६.५० कोटींचा व्यवसाय केला. ४ दिवसांत चित्रपटाची एकूण कमाई ३६.९० कोटी रुपये झाली आहे.